Jawan Audio Rights : இவ்வளவு ரூபாயா? அதிக தொகை கொடுத்து பெறப்பட்ட ஜவான் படத்தின் ஆடியோ உரிமம்!

நடிகர் ஷாருக்கான் நடிப்பில் உருவாகியுள்ள படம் ஜவான் இப்படத்தின் ஆடியோ உரிமத்தை அதிக தொகை கொடுத்து வாங்கப்பட்டுள்ளதாக தகவல் வெளியாகியுள்ளது.

ஜவான் படக்குழுவினர்

தமிழ் சினிமாவில் பல வெற்றிப்படங்களை இயக்கிய அட்லீ ஹிந்தியில் இயக்கி வரும் படம் ஜவான்.

இந்த படத்தில் ஷாருக்கான், விஜய் சேதுபதி, நயன்தாரா, தீபிகா படுகோன், சஞ்சய் தத், பிரியா மணி, யோகி பாபு, சுனில் குரோவர் உள்ளிட்ட பலரும் நடிக்கின்றனர்.

ஏற்கனவே இப்படம் செப்டம்பர் 7 ஆம் தேதி வெளியாகும் என அதிகாரப்பூர்வமாக அறிவிக்கப்பட்டுள்ளதோடு போஸ்டர் ஒன்றும் வெளியானது.

இப்படம் ஹிந்தி, தமிழ், தெலுங்கு, ஆகிய 3 மொழிகளில் வெளியாகவுள்ளது.

தற்போது இப்படத்தின் ஆடியோ உரிமத்தை டி சீரிஸ் நிறுவனம் சுமார் 36 கோடி ரூபாய் கொடுத்து பெற்றுள்ளதாக நெருங்கிய திரை வட்டாரங்கள் தெரிவிக்கின்றனர்.

இந்த தகவலின் படி‘புஷ்பா 2' படத்திற்கு பிறகு அதிக தொகை கொடுத்து வாங்கப்பட்ட ஆடியோ உரிமம் ‘ஜவான்’படத்தின் ஆடியோ உரிமம்தானாம்.