Japan Movie : முடிவடைந்தது நடிகர் கார்த்தியின் ஜப்பான் படப்பிடிப்பு - ரீலிஸ் எப்போது?

நடிகர் கார்த்தியின் ஜப்பான் படத்தை பற்றிய இரு சுவாரஸ்ய தகவல்கள் வெளியாகியுள்ளது.

ஜப்பான்

நடிகர் கார்த்தி 2007 ஆம் ஆண்டு வெளியான பருத்திவீரன் படத்தின் முலம் தமிழ் சினிமாவில் அறிமுகமானார்.

அதைதொடர்ந்து ஆயிரத்தில் ஒருவன், பையா, சிறுத்தை, தீரன் அதிகாரம் ஒன்று, கடைக்குட்டி சிங்கம், கைதி போன்ற பல வெற்றி படங்களை கொடுத்தார்.

நடிகர் கார்த்தி தற்போது ராஜூ முருகன் இயக்கத்தில் ஜப்பான் படத்தில் நடித்து வருகிறார்.

இதில் அனு இம்மானுவேல், தெலுங்கு நடிகர் சுனில், இயக்குநர் விஜய் மில்டன் உள்ளிட்ட பலரும் நடித்துள்ளனர்.

ஏற்கனவே இப்படத்தின் அறிமுக காட்சி வீடியோவை படக்குழு வெளியிட்டது. அதில் கார்த்தி பேசும்‘ஜப்பான் மேட் இன் இந்தியா’ என்ற வசனம் நல்ல வரவேற்பை பெற்றது.

தற்போது இப்படத்தின் படப்பிடிப்பு முழுவதாக முடிவடைந்ததாகவும் வருகின்ற தீபாவளிக்கு படக்குழு படத்தை வெளியிட திட்டமிட்டுள்ளதாகவும் தகவல் வெளியாகியுள்ளது.