Kamal Gifts Watch : நேரம் பார்க்காமல் உழைத்த இயக்குநர் ஷங்கருக்கு நேரம் பார்க்க வாட்ச்சை பரிசாக கொடுத்த கமல்!

நடிகர் கமல்ஹாசன் இயக்குநர் ஷங்கருக்கு விலை மதிப்புள்ள வாட்ச் ஒன்றை பரிசாக கொடுத்துள்ளார்.

இயக்குநருக்கு பரிசளித்த கமல்

நடிகர் கமல்ஹாசன் - இயக்குநர் சங்கர் கூட்டணியில் 1996 ஆம் ஆண்டு வெளியான படம் இந்தியன்.

இந்தியன் படம் வசூல் வேட்டை புரிந்ததுடன் கமலுக்கு தேசிய விருதைப் பெற்றுத் தந்தது.

இதைதொடர்ந்து கடந்த 2018ஆம் ஆண்டு இந்தியன் 2 படப்பிடிப்பு தொடங்கி தற்போது இறுதி கட்டத்தை நெருங்கியுள்ளது.

தற்போது இந்தியன் 2 படத்தின் பிரதான காட்சிகளை பார்த்து, இயக்குநர் ஷங்கருக்கு வாழ்த்துகளை தெரிவித்துள்ளார் நடிகர் கமல்ஹாசன்.

அதைதொர்ந்து ட்விட்டரில் பதிவு ஒன்றை பதிவிட்டுள்ளார். அதில் அவர் கூறியது “இந்தியன் 2’ படத்தின் பிரதான காட்சிகளை இன்று பார்த்தேன். என் உளமார்ந்த வாழ்த்துகள். இதுவே உங்கள் உச்சமாக இருக்கக் கூடாது என்பதும் என் அவா. காரணம், இதுதான் உங்கள் கலை வாழ்வின் மிக உயரமான நிலை. இதையே உச்சமாகக் கொள்ளாமல் திமிறி எழுங்கள். பல புதிய உயரங்கள் தேடி” என்றார். மேலும், நடிகர் ஷங்கருக்கு வாட்ச் ஒன்றையும் பரிசாக அளித்துள்ளார் கமல்ஹாசன்.

இந்த வாட்ச் பனெராய் லுமினர் பிராண்டை சேர்ந்தது மற்றும் இந்த வாட்சின் மதிப்பு சூமார் 8 லட்சத்து எழுபத்தி ஏழாயிரம் எனத் தகவல் வெளியாகியுள்ளது.