Sri Lanka Presidential Election LIVE: இலங்கை அதிபர் தேர்வில் ரணில் வெற்றி
பொதுவாக இலங்கையில் மக்களால் மட்டுமே அதிபர் தேர்வு செய்யப்படுவது வழக்கம். தற்போது இலங்கையிலுள்ள சூழ்நிலையில் நாடாளுமன்ற உறுப்பினர்களாலே அதிபர் தேர்வு செய்யப்படவுள்ளார்.
LIVE
Background
பரபரப்பான பொருளாதார நெருக்கடிக்கு மத்தியில் இலங்கையில் இன்று அதிபர் தேர்தல் நடைபெற உள்ளது உலக நாடுகளை எதிர்பார்ப்பில் ஆழ்த்தியுள்ளது.
இலங்கையில் ஏற்பட்டுள்ள பொருளாதார நெருக்கடி உலக நாடுகளையே ஆட்டம் காண செய்துள்ளது. அங்கு பெட்ரோல், டீசல், உணவு பொருட்களின் விலை கடுமையாக உயர்ந்துள்ளதோடு அத்தியாவசிய பொருட்களுக்கு கடும் தட்டுப்பாடு ஏற்பட்டுள்ளது. இதனால் மக்கள் தொடர் போராட்டத்தில் ஈடுபட்டு வருகின்றனர். இதன் எதிரொலியால் முன்னாள் பிரதமர் மகிந்த ராஜபக்ச தனது பதவியை ராஜினாமா செய்ததோடு மட்டுமல்லாமல் புதிய பிரதமராக ரணில் விக்கிரமசிங்கேவும் பதவியேற்றார்.
ஆட்சி மாறினாலும் காட்சி மாறவில்லை என்பது போல அங்கு நிலைமை நாளுக்கு நாள் மோசமாகி வருகிறது. நிலைமை இப்படியிருக்க கடந்த வாரம் போராட்டக்காரர்கள் அதிபர் மாளிகையை கைப்பற்றினர். ஆனால் தகவலறிந்து கோத்தபய ராஜபக்ச அங்கிருந்து தப்பியோடி நாட்டை விட்டு வெளியேறினார். முதலில் மாலத்தீவுக்கு சென்ற அவருக்கு எதிர்ப்பு கிளம்பிய நிலையில் தற்போது கோத்தபய சிங்கப்பூரில் தஞ்சம் புகுந்துள்ளார்.
For the greater good of my country that I love and the people I cherish I hereby withdraw my candidacy for the position of President. @sjbsrilanka and our alliance and our opposition partners will work hard towards making @DullasOfficial victorious.
— Sajith Premadasa (@sajithpremadasa) July 19, 2022
ரணில் தற்போது இடைக்கால அதிபராக பொறுப்பேற்றுள்ளார். இதனிடையே அதிபராக இருந்த கோத்தபய ராஜபக்ச தனது ராஜினாமா கடிதத்தை தூதரகம் வாயிலாக இலங்கை சபாநாயகருக்கு அனுப்பி இருந்தார். புதிய அதிபரை தேர்வு செய்வதற்காக இலங்கை நாடாளுமன்றம் ஜூலை 20 ஆம் தேதி கூடும் என்றும், அன்றைய தினம் தேர்தல் நடைபெறும் எனவும் தெரிவிக்கப்பட்ட நிலையில் இலங்கையில் இன்று தேர்தல் நடைபெற உள்ளது.
பொதுவாக இலங்கையில் மக்களால் மட்டுமே அதிபர் தேர்வு செய்யப்படுவது வழக்கம். தற்போது இலங்கையிலுள்ள சூழ்நிலையில் நாடாளுமன்ற உறுப்பினர்களாலே அதிபர் தேர்வு செய்யப்படவுள்ளார். இதனிடையே வேட்புமனு தாக்குதல் நேற்று நடைபெறவிருந்த நிலையில் அதிபர் தேர்தலில் இருந்து சஜித் பிரேமதாச விலகுவதாக அறிவித்தார். அதேபோல் இலங்கையின் புதிய அதிபராக டலஸ் அழகப்பெரும தேர்வு செய்யப்பட அதிக வாய்ப்புகள் இருப்பதாக தகவல் வெளியாகியுள்ளது. இதற்கிடையில் அதிபர் பதவிக்கான போட்டிக்களத்தில் அனுரகுமார திசாநாயக்க, ரணில் விக்கிரமசிங்க ஆகியோரும் உள்ளனர் என்பது குறிப்பிடத்தக்கது.
இலங்கை அதிபராகிறார் ரணில் விக்கிரமசிங்க
இலங்கை அதிபராகிறார் ரணில் விக்கிரமசிங்க.
130 வாக்குகளுக்கு மேல் பெற்ற ரணில் விக்கிரமசிங்க
130 வாக்குகளுக்கு மேல் ரணில் விக்கிரமசிங்க பெற்றுள்ளதாக தகவல் வெளியாகியுள்ளது.
வெற்றியை கிட்டத்தட்ட உறுதி செய்த ரணில்
இலங்கை நாடாளுமன்றத்தில் நடைபெற்ற வாக்கெடுப்பில் ரணில் அதிக வாக்குகளை பெற்றுள்ளார். இன்னும் சில நேரத்தில் அதிகாரப்பூர்வ அறிவுப்பு வெளியாக உள்ளது.
இன்னும் சில நேரத்தில் முடிவுகள் அறிவிப்பு
இன்னும் சில நேரத்தில் முடிவுகள் அறிவிக்கப்படவுள்ளது.
வாக்கு எண்ணும் பணி நிறைவு
வாக்கு எண்ணும் பணி நிறைவு பெற்றுள்ளது.
தலைப்பு செய்திகள்
ட்ரெண்டிங் செய்திகள்
