இங்க கிண்டிய அதே அல்வா...சர்கார் ரீமேக்கா சிகந்தர் ?

ஏ.ஆர் முருகதாஸ் இயக்கத்தில் சல்மான் கான் நடித்துள்ள சிகந்த படத்தின் டீசர் வெளியாகியுள்ள நிலையில் இது விஜயின் சர்கார் படத்தின் ரீமேக்கா என்கிற கேள்வி எழுந்துள்ளது

சிகந்தர் , ஏ.ஆர் முருகதாஸ் , விஜய்

Source : Twitter

சிகந்தர்

இயக்குநர் ஏ ஆர் முருகதாஸ் தற்போது அடுத்தடுத்து இரு படங்களை இயக்கி வருகிறார்.  தமிழில் சிவகார்த்திகேயன் நடிக்கும் மதராஸி படத்தின் இறுதிகட்ட படப்பிடிப்பு தற்போது நடைபெற்று வருகிறது. அதே நேரத்தில் இந்தியில் சல்மான் கான் நடித்து வரும் சிகந்தர் படத்தையும் இயக்கி வருகிறார் முருகதாஸ். ராஷ்மிகா மந்தனா , சத்யராஜ்  இப்படத்தில் நடித்துள்ளார்கள. சந்தோஷ் நாராயணன் இசையமைத்துள்ளார். சிகந்தர் படதிதின் டீசர் நேற்று வெளியானது. டீசர் வெளியானதைத் தொடர்ந்து இது விஜயின் சர்கார் படத்தின் இந்தி ரீமேக் என்கிற கருத்து பரவி வருகிறது. 

சர்கார் ரிமேக்கா சிகந்தர்

முருகதாஸ் இயக்கத்தில் விஜய் நடித்து கடந்த 2018 ஆம் ஆண்டு வெளியான படம் சர்கார். அரசியலை மையமாக வைத்து உருவான மாஸ் ஆக்‌ஷன் படமாக உருவானது சர்கார். சுமாரான விமர்சனங்களைப் பெற்றாலும் வசூல் ரீதியாக வெற்றிப்படமாக அமைந்தது சர்கார். தற்போது சிகந்தர் படத்தின் டீசர் வெளியாகியுள்ள நிலையில் இந்த படத்தின் காட்சிகளும் , கதையும் பார்ப்பதற்கு சர்கார் படம் போல் இருப்பதாக ரசிகர்கள் தெரிவித்துள்ளார்கள். 

ரிமேக் மோகத்தில் இயக்குநர்கள்

தமிழ் இயக்குநர்கள் மட்டும் நடிகர்கள் அடுத்தடுத்து பாலிவுட் சினிமாவை நோக்கி நகர்ந்து வருகிறார்கள். கடந்த 2023 ஆம் ஆண்டு ஜவான் திரைப்படத்தின் மூலம் இந்தியில்  மிகப்பெரிய ஹிட் கொடுத்தார் அட்லீ. ஜவான் திரைப்படத்தின் கதை தமிழ் ரசிகர்களுக்கு பழசு என்றாலும் இந்தி ரசிகர்களுக்கு முற்றிலும் புதிதாக இருந்தது.  இதனைத் தொடர்ந்து தான் இயக்கிய தெறி படத்தின் இந்தி ரீமேக்கை தானே தயாரித்தார். இந்த படம் வசூல் ரீதியாக அவருக்கு பெரிய தோல்வியாக அமைந்தது. முன்னதாக கஜினி , அகிரா ஆகிய சில படங்களை இந்தியில் இயக்கியுள்ள முருகதாஸ் தற்போது மீண்டும் பாலிவுட் பக்கம் திரும்பியுள்ளார். தமிழில் ஏற்கனவே பல முறை பார்த்த கதைகளை கமர்சியல் மீட்டர் ஏத்தி இந்தி ரசிகர்களுக்கு கொடுப்பதுதான் தற்போதை ட்ரெண்டாக இருந்து வருகிறது

Sikandar aa raha hai, this Eid! 🌙

Here’s presenting the Film Teaser of Sikandar! 🔥 https://t.co/eyZdJ0FGqx #SajidNadiadwala’s #Sikandar @BeingSalmanKhan @iamRashmika #Sathyaraj @TheSharmanJoshi @MsKajalAggarwal @prateikbabbar #AnjiniDhawan @jatinsarna #AyanKhan…

— A.R.Murugadoss (@ARMurugadoss) February 27, 2025