TNPSC Exam: டி.என்.பி.எஸ்.சி. குரூப்-2 தேர்வு - இன்று தேர்வு எழுதும் 55,071 தேர்வர்கள்: கட்டுப்பாடுகள் என்னென்ன?
தமிழக அரசுத் துறையில் காலியாக உள்ள 5,446 பணியிடங்களுக்கான குருப் - 2 முதன்மைத் தேர்வு இன்று நடைபெற உள்ளது.
தமிழ்நாடு அரசுத் துறையில் காலியாக உள்ள 5,446 பணியிடங்களுக்கான குருப் - 2 முதன்மைத் தேர்வு இன்று நடைபெற உள்ளது.
5446 பணியிடங்கள்:
மாநில அரசுத் துறைகளில் காலியாக உள்ள 5,446 காலிப்பணியிடங்களை நிரப்புவதற்கான குரூப் 2 மற்றும் 2ஏ முதல்நிலைத் தேர்வு, கடந்த மே 21-ம் தேதி நடைபெற்றது. அதைதொடர்ந்து, தேர்வு முடிவுகளை தமிழ்நாடு அரசுப் பணியாளர் தேர்வாணையம் கடந்தாண்டு நவம்பர் 8-ம் தேதி வெளியானது. அதன்படி முதல்நிலைத் தேர்வு எழுதியதில் 57,641 பட்டதாரிகள் தேர்ச்சி பெற்று முதன்மை தேர்வுக்கு தகுதி பெற்றனர்.
முதன்மை தேர்வு:
முதன்மை தேர்வுக்கு தகுதி பெற்றவர்களில் 55,071 பட்டதாரிகள் அடுத்தகட்ட முதன்மைத் தேர்வுக்கு விண்ணப்பித்தனர். அவர்களுக்கான முதன்மைத் தேர்வு தமிழகம் முழுவதும் இன்று நடைபெற உள்ளது. இதற்காக சென்னை உட்பட 20 மாவட்டங்களில் 186 தேர்வு மையங்கள் அமைக்கப்பட்டுள்ளன. காலையில் தமிழ் மொழி தகுதித் தாள் தேர்வும், பிற்பகலில் பொதுத் தேர்வும் நடத்தப்பட உள்ளது. தேர்வர்களுக்கு பல்வேறு கட்டுப்பாடுகள் விதிக்கப்பட்டுள்ளன. இதுகுறித்த கூடுதல் விவரங்களை www.tnpsc.gov.in, www.tnpscexams.in இணையதளங்களில் அறிந்து கொள்ளலாம் என்று டிஎன்பிஎஸ்சி தெரிவித்துள்ளது.
கட்டுப்பாடுகள்:
தேர்வர்களுக்கான ஹால் டிக்கெட் பிப்ரவரி 15ஆம் தேதி வெளியானது. இதில் முகிய விதிமுறைகள் வெளியாகி உள்ளன. அதில் கூறப்பட்டுள்ளதாவது:
- காலை 9.30 மணிக்குத் தொடங்கும் தேர்வுக்கு 8.30 மணிக்கே தேர்வர்கள் வர வேண்டியது அவசியம் ஆகும்.
- அதேபோல மதியம் 2 மணிக்குத் தொடங்கும் தேர்வுக்கு1 மணிக்கே தேர்வர்கள் வர வேண்டியது அவசியம் ஆகும். தாமதமாக வரும் தேர்வர்கள் தேர்வு எழுத அனுமதிக்கப்பட மாட்டார்கள்.
- தேர்வர்கள் ஹால் டிக்கெட்டை கட்டாயம் எடுத்து வர வேண்டியது அவசியம்.
- அத்துடன் ஆதார் அட்டை / பாஸ்போர்ட் / ஓட்டுநர் உரிமம் / பான் அட்டை / வாக்காளர் அட்டை உள்ளிட்ட அடையாள அட்டைகளில் ஏதேனும் ஒன்றைக் கொண்டு வர வேண்டும்.
- கருப்பு மை அடங்கிய பேனாவை மட்டுமே தேர்வெழுத எடுத்துச்செல்ல வேண்டும்.
- பதிவெண்ணைத் தவறாக எழுதினால், 2 மதிப்பெண்கள் பிடித்துக் கொள்ளப்படும்.
- தேர்வர்கள் தங்களின் அடையாளத்தை வெளிப்படுத்தும் வகையில் விடைத் தாளில் ஏதேனும் எழுதினால், விடைத் தாள் செல்லாததாகக் கருதப்படும்.
ஒருங்கிணைந்த குடிமைப் பணிகளுக்கான குரூப் 2, குரூப் 2 ஏ பணிகளுக்கான முதல் நிலை எழுத்துத்தேர்வு கடந்த 21.05.2022 அன்று நடைபெற்றது. இதற்கிடையே மகளிருக்கான இட ஒதுக்கீட்டினை நடைமுறைப்படுத்துவது தொடர்பாக பல்வேறு வழக்குகள் சென்னை உயர் நீதிமன்றத்தில் நிலுவையில் இருந்தன. மேற்படி வழக்குகளில் சென்னை உயர் நீதிமன்றம் தனது தீர்ப்பினை வழங்கிய நிலையில் அதனை நடைமுறைப்படுத்துவது தொடர்பாக பல்வேறு கட்ட கலந்தாலோசனைகள் மேற்கொள்ளப்பட்டன. உயர் நீதிமன்றத்தின் ஆணைகளை செயல்படுத்துவது தொடர்பாக மென்பொருளில் உரிய மாற்றங்கள் செய்யும் பணி நடைபெற்று வந்தது. அப்பணிகள் நிறைவடைந்த நிலையில் தேர்வு முடிவுகள் வெளியாகின.
தலைப்பு செய்திகள்
ட்ரெண்டிங் செய்திகள்
