Nayanthara Vignesh Shivan Wedding: எப்படி காதலை சொன்னாங்க தெரியுமா? நயன் - விக்கி காதல் த்ரோபேக்..

இருவர் பேசும்போதும் இடைப்பட்ட மிர்ச்சி சிவா, இருவர் காதல் குறித்தும் வெளிப்படையாக கலாய்த்தார். இருவருமே அதனை நல்ல முறையில் எதிர்கொண்டதே இருவரும் அதிகாரப்பூர்வமாக அறிவித்ததற்கு சமமாக பார்க்கப்பட்டது.

நயன்தாரா - விக்னேஷ் சிவன்

பிரபல நடிகை நயன்தாரா - பிரபல இயக்குநர் விக்னேஷ் சிவன் ஆகியோரின் காதல் திருமணம் மாமல்லபுரத்தில் நாளை நடைபெறவுள்ளது. நானும் ரெளடி தான் படத்தின் உருவாக்கத்தின் போது விக்னேஷ் சிவனும் நயன்தாராவும் காதலர்கள் ஆனார்கள். சமீபத்தில் விக்னேஷ் சிவன் இயக்கத்தில் விஜய் சேதுபதி, நயன்தாரா, சமந்தா நடிப்பில் உருவான காத்து வாக்குல ரெண்டு காதல் படம் வெளியானது. லால்குடியை சேர்ந்த விக்னேஷ் சிவனுக்கும், கேரளாவை சேர்ந்த நயன்தாராவுக்கும் காதல் திருமணம் ஜூன் 9 அன்று மாமல்லபுரத்தில் நடைபெறவுள்ள நிலையில் அவர்கள் முதன் முதலில் எப்போது தங்கள் உறவை வெளியில் அதிகாரப்பூர்வமாக அறிவித்தார்கள் என்று பார்க்கலாம்.

விருது விழா

நமக்கு இவர்களை காதலர்களாக பல வருடங்களாக தெரியும். ஆனால் எப்போது இது உறுதியானது என்பது மிகவும் சுவாரஸ்யமான விஷயம். சிங்கப்பூரில் நடந்த சைமா விருது வழங்கும் விழாவில்தான் கிட்டத்தட்ட இருவரும் வெளிப்படையாக ஒருவரை ஒருவர் பற்றி பேசிக்கொண்டார்கள். விக்னேஷ் சிவன் சிறந்த இயக்குநர் விருது வாங்கியபோது, நயன்தாராவுக்கு நன்றி சொல்லி, அவரை சிறந்த மனிதர் என்று கூறினார். நயன்தாரா விருது வாங்கும்போதும் விக்னேஷ் சிவனுக்கு நன்றி கூறினார். இருவர் பேசும்போதும் இடைப்பட்ட மிர்ச்சி சிவா, இருவர் காதல் குறித்தும் வெளிப்படையாக கலாய்த்தார். இருவருமே அதனை நல்ல முறையில் எதிர்கொண்டதே இருவரும் அதிகாரப்பூர்வமாக அறிவித்ததற்கு சமமாக பார்க்கப்பட்டது.

தூண்

ஆனாலும் இந்த விருது விழா சம்பவம் ஒரு ஆரம்பப் புள்ளிதான். அதன் பிறகு பல இடங்களில் விக்னேஷ் சிவன் தனது வெற்றிகளுக்கு ஒரு தூணாக இருக்கிறார் என்று பல சந்தர்ப்பங்களில் வெளிப்படுத்தி உள்ளார். அவ்வபோது அவர் பற்றி பேசுகையில் கொஞ்சம் வெட்கப்பட்டும் உள்ளார். 

சேர்ந்திருக்கும் புகைப்படங்கள்

சில காலகட்டங்களுக்கு பிறகு கிசு கிசு என்னும் நிலையை தாண்டி அதில் மறைப்பதற்கு ஒன்றும் இல்லை என்ற நிலையை எட்டியதும், இருவரும் சேர்ந்திருக்கும் படங்கள் நிறைய வரத்தொடங்கின. விக்னேஷ் சிவனின் இன்ஸ்டாகிராம் அக்கவுண்ட் முழுவதும் நயன்தாராவின் புகைப்படங்கள் நிறைந்து இருக்கும். அதனை மக்களும் சாதாரணமாக எடுத்துக்கொள்ள துவங்கியதே இதற்கான அதுகாரபூர்வ அறிவிப்பு என்று எடுத்துக்கொள்ளலாம்.

திருமணம்

திருமணம் குறித்து எல்லோருக்குமே எதிர்பார்ப்பு இருந்து வந்த நிலையில், ஆங்காங்கு அரசல் புரசலாக வந்த செய்திகளையே வைத்து ஒரு யூகமாக யோசித்து வந்தனர் ரசிகர்கள். காத்துவாக்குல ரெண்டு காதல் படம் பண்ணினதும் கல்யாணம் பண்ணிக்கலாம்ன்னு முன்னாடி முடிவெடுத்திருந்தோம் என்று விக்னேஷ் ஒரு இன்டர்வ்யூவில் சொல்ல அதுவும் வைரலானது. அதே போல தற்போது திருமணம் கிட்டத்தட்ட நெருங்கிவிட்டது. நாளை மகாபலிபுரத்தில் இவர்களது திருமணம் கடும் எதிர்பார்புகளுக்கு இடையே நடக்க இருக்கிறது.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர.

யூடியூபில் வீடியோக்களை காண.