Watch Video: ஹிந்தி ‘டசக்கு டசக்கு’.. டான்ஸில் மிரட்டும் கிருத்திக்.. வெளியானது விக்ரம் வேதா ரீமேக் பாடல்!

‘விக்ரம் வேதா’ படத்தின் ஹிந்தி ரீமேக்கில் இருந்து பாடல் ஒன்று வெளியிடப்பட்டுள்ளது.

விக்ரம் வேதா

 ‘விக்ரம் வேதா’  படத்தின் ஹிந்தி ரீமேக்கில் இருந்து பாடல் ஒன்று வெளியிடப்பட்டுள்ளது. 

 

                     

இயக்குநர்கள் புஷ்கர் காயத்ரி இயக்கத்தில் விஜய் சேதுபதி, மாதவன், ஷ்ரத்தா ஸ்ரீநாத் நடிப்பில் 2017ஆம் ஆண்டு தமிழில் வெளியாகி ஹிட் அடித்த திரைப்படம் 'விக்ரம் வேதா’. இப்படம் இந்தியில் நடிகர்கள் ஹிருத்திக் ரோஷன், சைஃப் அலி கான், நடிப்பில் அதே பெயரில், புஷ்கர் காயத்ரி இயக்கத்தில் உருவாகியிருக்கிறது.  

தமிழில் உருவான இந்தப்படம் சினிமா உலகில் அதிக கவனம் பெற்ற இந்தப்படம் இந்தியில் ரீமேக் செய்யப்படுவதாக தகவல் வெளியானது. இந்தத்தகவலை  கடந்த மார்ச் மாதம் புஷ்கர் மற்றும் காயத்ரி உறுதிப்படுத்தினர். இந்தப்படத்தை தமிழில்  ‘விக்ரம் வேதா’ படத்தை தயாரித்த YNOT Studios -வுடன் இணைந்து Plan C Studios மற்றும் Reliance Entertainment, T-Series Films நிறுவனங்கள் இணைந்து தயாரித்து உள்ளன. 

இந்தப்படத்தில் ஹிருத்திக்ரோஷன் விஜய்சேதுபதி நடித்த வேதா கதாபாத்திரத்திலும்,  சைஃப் அலி கான் மாதவன் நடித்த விக்ரம் கதாபாத்திரத்திலும் நடித்துள்ளனர். இவர்களுடன்  ராதிகா ஆப்தே, ரோகித் சுரேஷ் உள்ளிட்ட பல நட்சத்திரங்கள் நடித்துள்ளனர். தமிழில் விக்ரம் வேதா படத்திற்கு இசையமைத்த சாம் சி.எஸ் இந்தி  ரீமேக்கிற்கு பின்னணி இசை அமைத்துள்ளார். 

பாடல்களுக்கு  விஷால் சேகர் இசையமைத்துள்ளார். 175 கோடி பட்ஜெட்டில் உருவாகியுள்ள இந்தப்படம் ரசிகர்கள் மத்தியில் மிகப்பெரிய எதிர்பார்ப்பை ஏற்படுத்தி இருந்த நிலையில் கடந்த ஆகஸ்ட் 24 ஆம் தேதி படத்தின் டீசரும், கடந்த 8 ஆம் தேதி படத்தின் ட்ரெய்லரும் வெளியிடப்பட்டது. இந்த நிலையில் அந்தப்படத்தில் இருந்து  ‘Alcoholia’ பாடல் வெளியிடப்பட்டுள்ளது.  

           

தமிழில் இந்தப்பாடல் சேட்டா என்ற கதாபாத்திரத்திற்கு வேதா கதாபாத்திரம் பரோட்டாவை எப்படி சாப்பிட வேண்டும் என்று சொல்லிக்கொடுக்கும். தொடர்ந்து பார்ட்டி நடக்க, ‘டசக்கு டசக்கு’ பாடல் வரும். ஹிந்தியில் அதே சிச்சுவேஷனில்  ‘Alcoholia’ பாடல் வருகிறது. தமிழில் மிக கேசுவலாக அமைந்த இருந்த பாடல் ஹிந்தியில் க்ரித்திக் ரோஷனின் டான்ஸால், டான்ஸ் நம்பர் பாடலாக மாற்றப்பட்டு இருக்கிறது. 

 

           

தம்பதிகளான புஷ்கர் - காயத்ரி ஆர்யா நடிப்பில் வெளியான ‘ஓரம் போ’ படம் மூலமாக திரையுலகத்திற்கு அறிமுகமாயினர். தொடர்ந்து நடிகர் சிவா நடிப்பில் உருவான  'வா - குவாட்டர் கட்டிங்' படத்தை இயக்கிய அவர்கள், கடந்த 2017 ஆம் ஆண்டும் விஜய் சேதுபதி, மாதவன் நடிப்பில் உருவான ‘விக்ரம் வேதா’ படத்தை இயக்கினர். மிகப்பெரிய வெற்றி பெற்ற இந்தப்படம் இவர்களது கேரியரில் மட்டுமல்லாது, விஜய் சேதுபதி கேரியரிலும் மிக முக்கியமான படமாக அமைந்தது.