Varalaxmi Sarathkumar: ‛நீ நினைத்தால் அதை நிறைவேற்ற முடியும்’ எடை குறைப்பும் வரலட்சுமி பதிவும்!

வரலட்சுமி சரத்குமார் தனது ட்விட்டர் பக்கத்தில் அவருடைய உடல் எடை குறைத்த புகைப்படத்தை பதிவிட்டு நீ ஒன்றை நினைத்தால் அதை நிச்சயம் செய்து முடிக்கலாம் என்று கேப்ஷன் செய்துள்ளார்.

வரலக்ஷ்மி சரத்குமார்

பிரபல நடிகர் சுப்ரீம் ஸ்டார் சரத்குமாரின் மகள் தான் வரலக்ஷ்மி என்பது அனைவரும் அறிந்ததே. சென்னையில் தனது பள்ளி மற்றும் கல்லுரி படிப்பை முடித்த வரலக்ஷ்மி ஒரு மைக்ரோபயாலஜி மாணவி என்பது குறிப்பிடத்தக்கது. தந்தையை போல நடிப்பில் ஆர்வம் கொண்ட வரலக்ஷ்மி மும்பையில் உள்ள அனுபம் க்ஹெர் என்ற நடிப்பு பயிற்சி பள்ளியில் முறையாக நடிப்பு பயிற்சி பெற்றார். அதன் பிறகு நடிக்க ஆர்வத்துடன் இருந்த வரலட்சுமிக்கு தொடக்கத்திலேயே பல வாய்ப்புகள் வரத்தொடங்கியது. 

ஷங்கரின் பாய்ஸ், காதல் உள்ளிட்ட படங்களில் முன்னணி கதாபாத்திரத்தில் நடிக்க வாய்ப்பு வந்த நிலையில் சில காரணங்களால் அவரால் அந்த படங்களில் நடிக்க முடியாமல் போனது. அதன் பிறகு 2012ம் ஆண்டு பிரபல இயக்குநர் விக்னேஷ் சிவன் இயக்கத்தில் பிரபல நடிகர் சிம்பு நடிப்பில் உருவான போடா போடி என்ற படத்தின் மூலம் தனது திரையுலக பயணத்தை தொடங்கினர். போடா போடி விக்னேஷ் சிவனின் முதல் படம் என்பது குறிப்பிடத்தக்கது. 

 

#friday #fridayvibes
If I can..you can..#believe
Transformation series 2
Makeup @vikrammittal5
Hair #sridhar
Styled by @jaya_stylist
Shot by @kiransaphoto pic.twitter.com/B5Ootbi620

— 𝑽𝒂𝒓𝒂𝒍𝒂𝒙𝒎𝒊 𝑺𝒂𝒓𝒂𝒕𝒉𝒌𝒖𝒎𝒂𝒓 (@varusarath5) September 9, 2022

தமிழ், கன்னடம், மலையாளம் மற்றும் தெலுங்கு உள்ளிட்ட பல மொழி படங்களில் நடித்து வரும் வரலக்ஷ்மி தனது துணிவான பேச்சு மற்றும் தனித்துவமான நடிப்பிற்காக பெரிதும் பாராட்டப்பட்டு வருகின்றார். நடிகை வரலக்ஷ்மி தற்போது கன்னடத்தில் லகாம் என்ற படத்திலும் 5 தமிழ் படங்களிலும் நடித்து வருகின்றார் என்பது குறிப்பிடத்தக்கது. நடிப்பு என்பது ஒருபுறம் இருக்க பல சமூக பணியிலும் வரலக்ஷ்மி பல ஆண்டுகளாக ஈடுபட்டு வருகின்றார். Save Sakthi என்ற நிறுவனம் மூலம் பல நல்ல காரியங்களை செய்து வருகின்றார். 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Varalaxmi Sarathkumar (@varusarathkumar)

இந்நிலையில் தமிழில் முன்னணி கதாநாயகியாக திகழ்ந்துவந்த வரலட்சுமி சரத்குமார் தனது ட்ரான்ஸ்பர்மேஷன்(transformation series 2) சீரிஸில் தற்போது உடல் எடையை மிகவும் குறைத்து தனது ட்விட்டர் மற்றும் இன்ஸ்டாகிராம் பக்கத்தில் புகைப்படம் பதிவிட்டுள்ளார் அதன் பிறகு "நீ ஒரு விஷயத்தை நினைத்தால் அதை நிச்சயமாக உன்னால் நிறைவேற்ற முடியும்" என்று வாக்கியத்தையும்  பதிவிட்டுள்ளார். உடல் எடை குறைத்த பிறகு அவர் சமீப காலத்தில் நடித்த படங்களில் இருந்த தோற்றத்தை விட மிகவும் மாறுபட்டு தெரிகிறார், இதன் பிறகு அவருக்கு வில்லி கதாபாத்திரம் மட்டுமல்லாமல் கதாநாயகி காண கதாபாத்திரத்திற்கும் திரைப்பட வாய்ப்புகள் அதிகரிக்கும் என எதிர்பார்க்கப்படுகிறது.