Trump On Iran: ”ஆயுதங்களை போடுங்க, இல்லைன்னா சாவுங்க” - ஈரானின் ஆபத்தை அழிப்போம் - ட்ரம்ப் வார்னிங்

Trump On Iran: ஆயுதங்களை கைவிட்டு சரணடையுங்கள் அல்லது மரணத்தை எதிர்கொள்ளுங்கள் என, ஈரானிற்கு அமெரிக்க அதிபர் ட்ரம்ப் எச்சரிக்கை விடுத்துள்ளார்.

ஈரானுக்கு ட்ரம்ப் எச்சரிக்கை

Source : PTI

Trump On Iran: கொடூரமான ஈரான் அச்சுறுத்தலை அழித்து ஒழிப்போம் என பேசி,  அமெரிக்க அதிபர் ட்ரம்ப் வீடியோ ஒன்றை வெளியிட்டுள்ளார்.

ஈரானுக்கு ட்ரம்ப் எச்சரிக்கை:

அணு ஆயுத சோதனைகள் தொடர்பாக ஈரானுக்கு தொடர்ந்து எச்சரிக்கை விடுத்து வந்த அமெரிக்கா, இஸ்ரேலுடன் சேர்ந்து தலைநகர் தெஹ்ரானில் வான்வழி தாக்குதலை தொடங்கியுள்ளது. இதுதொடர்பாக அமெரிக்க அதிபர் ட்ரம்ப் வீடியோ ஒன்றை வெளியிட்டுள்ளார். அதில், “ஆயுதங்களை கைவிட்டு சரணடையுங்கள் அல்லது மரணத்தை எதிர்கொள்ளுங்கள். கொடூரமான ஈரான் அச்சுறுத்தலை அழித்து ஒழிப்போம். அவர்களை ஏவுகணைகளையும், ஏவுகணை தொழிற்சாலைகளையும் தரைமட்டமாக்குவோம்” என ட்ரம்ப் பேசியுள்ளார்.

pic.twitter.com/BZuJDudLej

— Donald J. Trump (@realDonaldTrump) February 28, 2026

தாக்குதல் எதற்காக? - ட்ரம்ப் விளக்கம்

வீடியோவில் பேசிய ட்ரம்ப், “இஸ்ரேல் உடன் சேர்ந்து ஈரான் மீது மிக முக்கியமான தாக்குதலை அமெரிக்கா தொடங்கியுள்ளது. ஈரானில் இருந்து எழக்கூடிய ஆபத்துகளிலிருந்து அமெரிக்க மக்களை பாதுகாப்பதே எங்களது பிரதானமான இலக்கு ஆகும். அந்த மோசமான மற்றும் மிகவும் கடினமான மற்றும் பயங்கரமான நபர்களின் செயல்பாடுகளானது, அமெரிக்கவிற்கும் வெளிநாடுகளில் உள்ள நமது  ராணுவ தளங்களுக்கும்  மற்றும் உலகம் முழுவதும் உள்ள நட்பு நாடுகளுக்கும் ஆபத்தானதாகும். 

ஈரான் மீது குற்றச்சாட்டு

47 ஆண்டுகளாக, ஈரானிய ஆட்சி அமெரிக்காவிற்கு மரணம் என்று கோஷமிட்டுள்ளது. பல நாடுகளில் அமெரிக்கா, நமது துருப்புக்கள் மற்றும் அப்பாவி மக்களை குறிவைத்து தாக்குதல் நடத்தி படுகொலைகளை நிகழ்த்தியுள்ளது. அவர்களின் அணுசக்தி திட்டத்தை மீண்டும் கட்டியெழுப்பவும், ஐரோப்பாவில் உள்ள நமது நல்ல நண்பர்கள் மற்றும் நட்பு நாடுகளை அச்சுறுத்தக்கூடிய நீண்ட தூர ஏவுகணைகளை தொடர்ந்து உருவாக்கவும் முயற்சித்தது. தற்போது ஈரான் முழுவதும் குண்டுகள் வீசப்பட்டு வருகின்றன. 

ஆயுதங்களை கைவிடுங்கள் , நீங்கள் மனிதாபிமானத்துடன் நடத்தப்படுவீர்கள் அல்லது மரணத்தை எதிர்கொள்ளுங்கள். நாங்கள் தாகுதலை முடிக்கும்போது, உங்கள் அரசாங்கத்தை கைப்பற்றுவோம். அதன் பிறகு அங்கு அமையும் ஆட்சி உங்களுக்கானதாக இருக்கும். உங்களது அடுத்த தலைமுறைகளுக்கான ஒரே வாய்ப்பு இதுவாகும்” என அமெரிக்க அதிபர் ட்ரம்ப் பேசியுள்ளார்.