Rajinikanth: 200 ஆண்டுகள் நினைவு முதல் முத்திரை! நடிகர் ரஜினிகாந்திற்கு கிடைத்த மற்றொரு அங்கீகாரம்..

இலங்கையின் பெருந்தோட்ட சமூகத்தின் 200வது ஆண்டுக்கான முதல் நினைவு முத்திரையை நடிகர் ரஜினிகாந்த் பெற்றுக்கொண்டார்.

ரஜினிகாந்திற்கு நினைவு முத்திரை வழங்கப்பட்டபோது

தமிழ் திரையுலகின் சூப்பர்ஸ்டாராக உலா வருபவர் நடிகர் ரஜினிகாந்த். இவர் இந்திய திரையுலகத்தின் சூப்பர்ஸ்டாராகவும் மக்கள் மத்தியில் பார்க்கப்படுகிறார். இவருக்கு இந்தியா மட்டுமின்றி உலகம் முழுவதும் கோடிக்கணக்கான ரசிகர்கள் உள்ளனர்.

இலங்கையின் பெருந்தோட்ட சமூகம்:

இந்தியாவின் அண்டை நாடான இலங்கையிலும் ரஜினிகாந்திற்கு லட்சக்கணக்கான மக்கள் அவருக்கு ரசிகர்களாக உள்ளனர். இலங்கையில் லட்சக்கணக்கில் தமிழ் மக்கள் வாழ்ந்து வருகிறார்கள். இதனால், தமிழ்நாட்டைப் போலவே இலங்கையிலும் அவரது படங்களுக்கு பெரும் வரவேற்பு உள்ளது.

இந்த சூழலில், இலங்கையில் தோட்டத் தொழிலாளர்களாக உள்ள தமிழர்களை குறிப்பிடும் வகையில் இலங்கையின் பெருந்தோட்ட சமூகம் உள்ளது. இந்த சூழலில், இலங்கையின் பெருந்தோட்ட சமூகத்தின் 200வது ஆண்டை குறிப்பிடும் வகையில் நினைவு முத்திரையை வெளியிட்டனர். இந்த முதல் நினைவு முத்திரையை நடிகர் ரஜினிகாந்திடம் அந்த அமைப்பிற்கான நிர்வாகி நேரில் சந்தித்து வழங்கினார்.

Super Star #Rajnikanth received the very first Commemorative Stamp of the 200th year of Plantation community in #SriLanka 🇱🇰

சூப்பர் ஸ்டார் ரஜினிகாந்த் அவர்கள் இலங்கையின் பெருந்தோட்ட சமூகத்தின் 200வது ஆண்டுக்கான முதல் நினைவு முத்திரையை பெற்றுக்கொண்டார். pic.twitter.com/gCswpQBEqx

— Arujuna Arul (@ArujunaArul) June 16, 2024

வேட்டையன், கூலி:

இலங்கை பெருந்தோட்ட சமூகமானது, இந்தியாவில் இருந்து இலங்கைக்கு சென்று 200 ஆண்டுகளுக்கு மேலாக அங்கு தேயிலை காடுகளில் கடினமாக உழைத்த தமிழர்களின் நலனுக்காக உருவாக்கப்பட்ட அமைப்பாகும். உலகப் புகழ்பெற்ற சிலோன் டீ- தேயிலையை தயாரித்ததில் மலையகத் தமிழர்களின் பங்கு தவிர்க்க முடியாதது என்பது குறிப்பிடத்தக்கது.

நடிகர் ரஜினிகாந்த் தற்போது லோகேஷ் கனகராஜ் இயக்கத்தில் கூலி திரைப்படத்தில் நடித்து வருகிறார். மேலும், ஜெய்பீம் இயக்குனர் ஞானவேல் இயக்கத்தில் வேட்டையன் படத்தில் நடித்து வருகிறார். வேட்டையன் படம் தீபாவளிக்கு வெளியாகும் என்று எதிர்பார்க்கப்படுகிறது.

மேலும் படிக்க: Unni Mukundan : உன்னி முகுந்தன் நடிக்கும் மார்கோ! வெளியானது ஃபர்ஸ்ட் லுக் போஸ்டர்!

மேலும் படிக்க: SK 23: சிவகார்த்திகேயன் படத்தில் இணைந்த சார்பட்டா வில்லன், பிரபல நடிகர்.. வெளியான மாஸ் அப்டேட்!