"படக்குழுவோடு பிறந்தநாள் விழா" - Surprise கொடுத்த இயக்குனர் சங்கர்.!

விக்ரம், துருவ் மற்றும் பிரபல இயக்குனர் சங்கர் உள்ளிட்டோர் இந்த பிறந்தநாள் விழாவில் கலந்துகொண்டனர்

Karthik_Subbaraj_Birthday

கார்த்திக் சுப்புராஜ் இயக்கத்தில் உருவாகி வரும் அடுத்த படம் தான் இன்னும் தலைப்பிடப்படாத "விக்ரம் 60". சீயான் விக்ரம் அவர்களின் 60-வது படமாக உருவாகி வரும் இந்த படத்தில் நடிகர் துருவ் அவரது தந்தையுடன் இணைந்து நடிக்கின்றார். பிரபல இசையமைப்பாளர் சந்தோஷ் நாராயணன் இசையில், இந்த படத்தை 7 Screen Studio நிறுவனத்தின் சார்பில் லலித் குமார் அவர்கள் தயாரித்து வருகிறார். 

இந்தியாவில் கொரோனா காரணமாக படப்பிடிப்புகள் தடைப்பட்டிருந்த நிலையில், அண்மையில் மீண்டும் படப்பிடிப்பு தொடங்கியுள்ளது. பிரபல நடிகை வாணி போஜன் இந்த படத்தில் இணைந்துள்ளார் என்றும் அவருடைய பகுதிகளுக்கான படப்பிடிப்பு தொடங்கியுள்ளதாகவும் தகவல் வெளியாகி உள்ளது.  

அதேபோல ஏறத்தாழ 17 ஆண்டுகள் கழித்து விக்ரமுடன் இணைந்து நடிக்கவுள்ளார் பிரபல நடிகை சிம்ரன். 2003ம் ஆண்டு வெளியான "பிதாமகன்" படத்திற்கு பிறகு இவர்கள் இருவரும் இணைந்து நடிக்கவுள்ள திரைப்படம் இதுவென்பது குறிப்பிடத்தக்கது. ஆனால் சிம்ரன் மற்றும் விக்ரம் ஏற்கனவே இணைந்து இயக்குநர் கௌதம் வாசுதேவ் மேனன் இயக்கத்தில் "துருவநட்சத்திரம்" என்ற படத்தில் நடித்துள்ளபோதும் இன்னும் அந்த திரைப்படம் வெளிவராதது குறிப்பிடத்தக்கது.

இந்நிலையில் நேற்று இயக்குனர் கார்த்தி சுப்பாராஜ் அவருடைய பிறந்தநாளை விக்ரம் 60 படக்குழுவுடன் கொண்டாடினார். விக்ரம், துருவ் மற்றும் பிரபல இயக்குனர் சங்கர் உள்ளிட்டோர் இந்த பிறந்தநாள் விழாவில் கலந்துகொண்டனர். இந்த பிறந்தநாள் விழாவில் கார்த்திக் சுப்பாராஜ் அவர்களுக்கு சங்கர் அவர்கள் சர்ப்ரைஸ்சாக வந்து வாழ்த்து தெரிவித்துள்ளார்.