‛என் ராசாவின் மனசிலே’ வருகிறது இரண்டாம் பாகம்

நடிகர் ராஜ்கிரண் மகன் நைனார் முகம்மது இயக்கத்தில் பலரது உள்ளங்களை கொள்ளை கொண்ட என் ராசாவின் மனசிலே திரைப்படத்தின் இரண்டாம் பாகம் வெளிவர இருக்கிறது.

en_rasavin_manasile_

கஸ்தூரி ராஜா இயக்கத்தில் நடிகர் ராஜ்கிரண் , நடிகை மீனா மாற்று நகைச்சுவை நடிகர் வடிவேலு நடித்து வெளிவந்த திரைப்படம் " என் ராசாவின் மனசிலே" .  இசைஞானி இளையராஜாவின் இசைவில் அனைத்து ஹிட் பாடல்களும் ஹிட் ஆனது போல் படமும் சூப்பர் டூப்பர் ஹிட். அதுமட்டுமின்றி  நடிகை மீனா மற்றும் வடிவேலு அறிமுகம் ஆனதும் அதில் தான். 

ராஜ்கிரன்களும் கதாநாயகனாக ஆகலாம் என்கிற நம்பிக்கையை தமிழ் சினிமாவில் விதைத்ததும் என் ராசாவின் மனசிலே திரைப்படம். முழுக்க கிராமப்பின்னணியில் நகரும் அந்த கதையை கிராமங்கள் கடந்து நகரங்களும் ஏற்றுக் கொண்டன. இன்றும் சின்னத்திரையில் வாரங்களை கடந்து வாழ்ந்து கொண்டிருக்கும் படம் என்கிற பெருமையும் என் ராசாவின் மனசிலே படத்திற்கு உண்டு.

எத்தனையோ படங்களின் இரண்டாம் பாகங்கள் இன்று வெளியாகி வரும் நிலையில் கிராமப்பின்னணியில் எந்த திரைப்படமும் இரண்டாம் பாகம் வரவில்லை. ஆனால் அந்த குறையும் தீர்கிறது. நடிகர் ராஜ்கிரணின் மகன் நைனார் முகமத் என் ராசாவின் மனசிலே -2 இயக்க இருக்கிறார் . இந்த செய்தியை ராஜ்கிரண் இணையத்தளத்தில் அதிகார பூர்வமாக வெளியிட்டு இருந்தார் .படத்தை பற்றிய தகவல்கள் விரைவில்  வெளியாகும் என்று கூறப்படுகிறது .