Nayanthara Tirupati Visit: காலணி அணிந்து போட்டோஷூட்டா? நயன் - விக்கி திருமலை பயணம்.. திருப்பதியில் நடந்தது என்ன..?

நடிகை நயன்தாராவும் இயக்குநர் விக்னேஷ் சிவனும் திருப்பதி கோயிலில் காலணி அணிந்து போட்டோ ஷூட் நடத்தியதாக தகவல் வெளியானதால் சிறிது நேரம் பரபரப்பு ஏற்பட்டது

போட்டோஷூட் சர்ச்சை

நடிகை நயன்தாரா இயக்குநர் விக்னேஷ் சிவன் ஜோடி திருப்பதி கோயிலில் காலணி அணிந்து போட்டோ ஷூட் நடத்தியதாக தகவல் வெளியானதால் சலசலப்பு ஏற்பட்டது

திருப்பதி தேவஸ்தானம் ஆன்மீகத்தளம் என்பதால், கோயில் வளாகத்தில் போட்டோ ஷூட் நடத்துவதற்கு கோயில் அதிகாரிகளின் அனுமதி பெற வேண்டும். இந்த நிலையில் நேற்று திருமணம் செய்து கொண்ட நயன்தாராவும் விக்னேஷ் சிவனும் இன்று திருப்பதிக்கு சென்று சாமி தரிசனம் செய்தனர். தொடர்ந்து வெளியே வந்த அவர்கள் கோயில் வளாகத்திற்குள் காலணியோடு நின்று  போட்டோ ஷூட் நடத்தியதாக சொல்லப்படுகிறது.  அவர்கள் நின்ற இடம் காலணி அணிய தடை விதிக்கப்பட்ட இடம் என்றும் அவர்கள் விதிகளை மீறி போட்டோ ஷூட் நடத்தியதாகவும் புகார் எழுந்துள்ளது.

திருப்பதி ஏழுமலையான் கல்யாண
உற்சவத்தில் கலந்து கொள்வதற்காக @VigneshShivN @NayantharaU தம்பதியினர் திருப்பதி ஏழுமலையான் கோவிலுக்கு சென்றனர்.#VigneshShivanNayanthara #wikki #Nayanthara pic.twitter.com/umGtntJ58e

— Maheswaricinraj (@MahiCraj) June 10, 2022

முன்னதாக, “இந்திய திரையுலகின் பிரபல நடிகையும், லேடி சூப்பர்ஸ்டாருமானவர் நயன்தாரா. இவர் தன்னுடயை காதலர் விக்னேஷ்சிவனை நேற்று திருமணம் செய்தார். இவர்களது திருமணத்தை முன்னிட்டு ரசிகர்கள் இவர்களுக்கு வாழ்த்துகளை சமூகவலைதளங்ளில் தொடர்ந்து தெரிவித்து வந்தனர். திருமணம் முடிந்த உடன் நயன்தாராவும், விக்னேஷ்சிவனும் திருப்பதி செல்வார்கள் என்று தொடர்ந்து தகவல் வெளியாகி வந்த நிலையில், சற்றுமுன் நயன்தாராவும், விக்னேஷ்சிவனும் திருப்பதிக்கு சென்றனர். வால்வோ காரில் தம்பதி இருவரும் சென்னையில் இருந்து நேரடியாக திருப்பதி சென்றனர். நயன்தாராவிற்கும், விக்னேஷ்சிவனுக்கும் திருப்பதி மிகவும் மனதிற்கு நெருக்கமான ஆலயம் ஆகும்.

திருப்பதி ஏழுமலையான் கல்யாண
உற்சவத்தில் கலந்து கொள்வதற்காக
VigneshShiv, Nayanthara தம்பதியினர் திருப்பதி ஏழுமலையான் கோவிலுக்கு சென்றனர்.#VigneshShivan #VigneshShivanNayanthara #NayantharaVigneshShivan pic.twitter.com/oAGT2jdxhF

— Melwin (@melwins23) June 10, 2022

இவர்கள் இருவரும் கடந்த 2016-ஆம் ஆண்டு முதல் காதலித்து வந்தனர். இவர்கள் காதலித்து வந்தது முதல் அடிக்கடி திருப்பதி ஆலயத்திற்கு சென்று வருகின்றனர். குறிப்பாக, சமீபகாலங்களில் நயன்தாரா – விக்னேஷ்சிவன் ஜோடி அடிக்கடி திருப்பதியில் சுவாமி தரிசனம் செய்தனர். இதையடுத்து, திருமணம் முடிந்த பிறகு முதன்முறையாக இருவரும் புதுமணத்தம்பதிகளாக திருப்பதி வெங்காடசலபதி ஆலயத்திற்கு சென்றுள்ளனர்.

நயன்தாரா மஞ்சள் நிற புடவையிலும், விக்னேஷ்சிவன் பட்டு வேஷ்டி, பட்டுசட்டையிலும் கோவிலுக்கு வந்தனர். கிறிஸ்தவ மதத்தைச் சார்ந்த நயன்தாரா கடந்த சில ஆண்டுகளுக்கு முன்பாகவே இந்து மதத்தை தழுவியதாக கூறப்படுகிறது. மாமல்லபுரத்தில் நேற்று நடைபெற்ற விக்னேஷ்சிவன் – நயன்தாரா திருமணம்கூட இந்து மத முறைப்படியே நடைபெற்றுள்ளது. நயன்தாரா மஞ்சள்கயிறு சூடிய மாங்கல்யத்தை பார்க்கும் புகைப்படம் நேற்று முழுவதும் சமூக வலைதளங்களில் வைரலாகியது.