ஒரு கல்லு இரண்டு மாங்காய் இல்ல; ரெண்டு பந்துல ரெண்டு மாங்கா- வைரல் பின் பௌலிங் வீடியோ

பெளலிங் விளையாட்டில் குறிபார்த்து அனைத்து கட்டைகளையும் இரண்டு முறை இரண்டு பந்துகளை கொண்டு கீழே விழ செய்து ஒருவர் அசத்தியுள்ளார்.

பௌலிங் செய்யும் நபர்

பௌலிங் விளையாட்டில் குறிபார்த்து அனைத்து கட்டைகளையும் ஒரே அடியில் விழ வைப்பது என்பது மிகவும் கடினமான ஒன்று. அதற்கு சரியான திட்டமிடலும் பயிற்சியும் அவசியம் வேண்டும். அப்படி இருக்கும் போது ஒருவர் பௌலிங் விளையாட்டில் அனைத்து கட்டைகளையும் இரண்டு முறை இரண்டு பந்துகளை வைத்து விழ செய்து அசத்தியுள்ளார். யார் அவர்? அது எப்படி நடந்தது?

ட்விட்டர் பக்கத்தில் எப்போதும் ஒரு விஷயத்தை நக்கலாக கூறும் போது அதற்கு ஏற்ப வீடியோ பதிவுகளை சிலர் பதிவிடுவது வழக்கம். அந்தவகையில் ஒருவர் புத்தக்கத்தை திறந்து வைத்து தேர்வு எழுதினாலும் அதில் சிலரால் தேர்ச்சி பெற முடியாது என்று கூறி பதிவிட்டுள்ளார். அந்தப் பதிவுடன் சேர்த்து ஒரு பௌலிங் விளையாட்டு வீடியோவை பதிவிட்டுள்ளார். அந்த வீடியோவில் ஒரு நபர் பௌலிங் விளையாட்டு இடத்திற்கு அருகே சென்று பந்தை போட்டு கூட ஒரு கட்டையையும் விழ வைக்க முடியவில்லை . இந்தப் பதிவு மிகவும் வைரலாகி வருகிறது. இந்த வீடியோவை சுமார் 1.2 லட்சத்திற்கும் மேற்பட்டவர்கள் பார்த்துள்ளனர். 

When you fail in open book test pic.twitter.com/aKZiYIM8Y3

— Sagar (@sagarcasm) August 10, 2021

இந்த வீடியோ பதிவிற்கு ஒருவர் பதில் பதிவாக மற்றொரு நக்கல் பதிவை செய்துள்ளார். அதில், "இருப்பினும் ஒரு சிலர் உள்ளனர். அவர்கள் தேர்வில் பாடத்திற்கு உள்ளே கேட்கப்பட்ட கேள்விகளையும், பாடத்திற்கு வெளியே இருந்து கேட்கப்பட்ட கேள்விகளுக்கும் சரியாக விடையளிப்பார்கள்" எனப் பதிவிட்டுள்ளார். அத்துடன் பதிலுக்கு அவர் ஒரு பௌலிங் வீடியோவை பதிவிட்டுள்ளார். அதில் ஒருவர் இரண்டு பந்துகளை வைத்து அசத்தலாக இருமுறை அனைத்து கட்டைகளையும் விழ செய்கிறார். அந்த வீடியோ பார்ப்பவரை மிகவும் பிரமிக்க வைத்துள்ளது. 

And then you have Guys like this who can answer all questions from in & out of syllabus 😿 pic.twitter.com/dDggsov7rY

— Tadkamarkey 2.0 🇮🇳 (@AnilPil63050188) August 10, 2021

இவ்வாறு இந்த இரண்டு வீடியோக்களும் தற்போது ட்விட்டரில் வேகமாக வைரலாகி வருகிறது. இந்த இரு வீடியோவும் நமக்கு ஒரு நல்ல பாடத்தையும் கற்று தரும் வகையில் அமைந்துள்ளது குறிப்பிடத்தக்கது. 

மேலும் படிக்க: ரத்தம் தெறிக்கும் வாளுடன் 'விக்ரம்' பட புது ஸ்டில்!