Mukeshs Methil Devika Divorce: 64 வயதில் விவாகரத்து: 2வது மனைவியை பிரியும் பிரபல நடிகர்..!

இந்த ஜோடி  கடந்த 2013ஆம் ஆண்டு அக்டோபர் 24 ஆம் தேதி அன்று திருமணம் செய்து கொண்டது. அப்போது அவர்கள் கேரள லலிதா கலா அகாடமியில் ஒன்றாக வேலை செய்து கொண்டிருந்தனர்.

முகேஷ் - தேவிகா

பிரபல மலையாள நடிகர் முகேஷிடமிருந்து விவாகரத்துகோரி அவரது இரண்டாவது மனைவி நடனக் கலைஞர் மெத்திகா தேவிகா நீதிமன்றத்தில் மனுத்தாக்கல் செய்துள்ளார்.

பிரபல நடனக் கலைஞர் மெத்தில் தேவிகா, நேற்று தனது கணவர் மற்றும் நடிகரும், அரசியல்வாதியுமான முகேஷை விவாகரத்து செய்வதாக அறிவித்தார். கடந்த சில நாட்களாக, இந்தத் தம்பதியினரின் விவாகரத்து மற்றும் முகேஷ் மீதான குடும்ப வன்முறை குற்றச்சாட்டுகள் உள்ளிட்ட வதந்திகளும் வந்தன. இருப்பினும், கொல்லம் எம்.எல்.ஏ மீதான குற்றச்சாட்டுகளை தேவிகா மறுத்தார்.

விவாகரத்து தொடர்பாக பாலக்காட்டில் செய்தியாளர்களிடம் பேசிய தேவிகா, “எனது வீட்டுப் பிரச்சினை கேரளா தொடர்பானது என்றால், நான் அதைப் பற்றி பேசியிருப்பேன். விவாகரத்துக்கான காரணம் தனிப்பட்டது. அதனை நான் ஆராய விரும்பவில்லை” என்றார். குடும்ப வன்முறை குற்றச்சாட்டுகளை மறுத்த தேவிகா, இது புகார்களின் பட்டியலில் சேர்க்கப்படவில்லை அல்லது விவாகரத்துக்கான களமாக சேர்க்கப்படவில்லை என்று கூறினார். இருப்பினும், ஏசியநெட்டுக்கு அளித்த அவர் பேட்டியில்,  “பல்வேறு வகையான வீட்டு வன்முறைகள் உள்ளன. குறிப்பிட்ட எதற்கும் என்னால் பதிலளிக்க முடியாது; அது எனது தனிப்பட்ட பிரச்சினை. விவாகரத்து நடவடிக்கைகளைத் தொடங்க அண்மையில் நடைபெற்ற கேரள சட்டமன்றத் தேர்தலுக்காக காத்திருந்தேன். முகேஷ் தற்போது கொல்லம் எம்.எல்.ஏ., சிபிஐ (எம்) வேட்பாளராக வெற்றி பெற்ற பின்னர், அப்போதிருந்து பேச்சுவார்த்தைகள் நடந்து கொண்டிருந்தாலும், அதை முறைப்படுத்தவும், நான் அதைப் பற்றி தீவிரமாக இருக்கிறேன் என்பதை தெரிவிக்கவும் சட்டப்பூர்வ அறிவிப்பை வழங்கினேன்" என்று கூறினார்.

மேலும் அவர் கூறுகையில்,  “முகேஷ் உடனான உறவில் நம்பிக்கை இழந்துவிட்டேன். இருவருக்கும் இடையே கருத்தியல் வேறுபாடுகள் மற்றும் கருத்து வேறுபாடுகள் இருக்கிறது. முகேஷும், நானும் சேர்ந்துதான் விவாகரத்து முடிவை எடுத்தோம். நாங்கள் இருவரும் முதிர்ச்சியடைந்தவர்கள்.  இந்த செய்தியை நான் கசியவில்லை (விவாகரத்து பற்றி), அது தற்செயலாக கசிந்தது. ஊடகங்கள் மற்றும் பொதுமக்கள் இந்த செயல்முறையை அமைதியானதாக மாற்ற அனுமதிக்குமாறு கேட்டுக்கொள்கிறேன். பிரிந்து செல்லும்  முடிவுக்கும், முகேஷின் பொது வாழ்க்கைக்கும் எந்த தொடர்பும் இல்லை” என்று கூறினார்.

இந்த ஜோடி  கடந்த 2013ஆம் ஆண்டு அக்டோபர் 24 ஆம் தேதி அன்று திருமணம் செய்து கொண்டது. அப்போது அவர்கள் கேரள லலிதா கலா அகாடமியில் ஒன்றாக வேலை செய்து கொண்டிருந்தனர். முகேஷ் தனது முதல் மனைவி நடிகை சரிதாவை 1988 ஆம் ஆண்டு திருமணம் செய்தார். பின்னர் கருத்து வேறுபாடுகள் காரணமாக அவரை 2011ஆம் விவாகரத்து செய்தார். முகேஷிடமிருந்து விவாகரத்து பெற்ற சரிதா, அவர் மீது குடும்ப வன்முறை மற்றும் தவறான நடத்தை குறித்து சரிதா குற்றம் சாட்டியிருந்தார்.

64 வயதில் இரண்டாவது மனைவியை பிரிந்த முன்னணி நடிகர் முகேஷ், தமிழில் ஜாதிமல்லி, மனைவி ஒரு மாணிக்கம், பல்லவன், ஐந்தாம் படை உள்ளிட்ட படங்களில் நடித்துள்ளார் என்பது குறிப்பிடத்தக்கது.