(Source: ECI/ABP News/ABP Majha)
Legend Box Office: அண்ணாச்சி ஜெயித்தாரா தோற்றாரா..? ‘தி லெஜண்ட்’ திரைப்படத்தின் மொத்த வசூல் இதுதான்!
The Legend Movie Box Office Collection: நடிகர் சரவணன் நடித்த ‘தி லெஜண்ட்’ படத்தின் வசூல் விபரங்கள் வெளியாகியுள்ளன.
நடிகர் சரவணன் நடித்த ‘தி லெஜண்ட்’ படத்தின் வசூல் விபரங்கள் வெளியாகியுள்ளன.
பிரபல ஜவுளிக்கடை அதிபரான சரவணன் அருள் நடிப்பில் உருவான ‘தி லெஜண்ட்’ திரைப்படம் கடந்த ஜூலை 28 ஆம் தேதி திரையரங்குகளில் வெளியானது. மக்களிடம் கலவையான விமர்னங்களை பெற்ற இந்தப்படம், விமர்சன ரீதியாக கடுமையாக சாடப்பட்டது. இந்த நிலையில் இந்தப்படம் எவ்வளவு வசூல் செய்துள்ளது தொடர்பான தகவல்கள் வெளியாகியுள்ளன.
எவ்வளவு வசூல்?
அந்தத்தகவல்களின் படி, “ தி லெஜண்ட் திரைப்படம் படம் வெளியாகிய 5 வாரங்களில் 45 கோடி வசூல் செய்துள்ளதாக தகவல் வெளியாகியுள்ளது. இதன் மூலம் தி லெஜண்ட் திரைப்படம் எதிர்பார்த்த அளவுக்கு இல்லை என்றாலும் நல்ல வசூலையே ஈட்டியுள்ளதாக திரை வட்டாரங்கள் தெரிவிக்கின்றன. மேலும் தி லெஜண்ட் திரைப்படத்தின் சாட்டிலைட் உரிமையை பிரபல சேனல் ஒன்று 20 கோடிக்கு வாங்கியுள்ளதாகவும், ஓடிடி உரிமை 25 கோடிக்கு வாங்கப்படலாம் என்றும் சொல்லப்படுகிறது.
View this post on Instagram
தமிழ் சினிமாவில் முன்னணி நடிகைகளான ஹன்சிகா மற்றும் தமன்னாவுடன் இணைந்து விளம்பரம் ஒன்றில் அதிரடியாக எண்ட்ரி கொடுத்து அடுத்து பிற ஜவுளி, வீட்டு உபயோக பொருட்கள் விற்பனை செய்யும் நிறுவனங்களின் முதலாளிகளையும் விளம்பரத்தில் நடிப்பதற்கு முன்னுதாரணமாக இருந்தவர் “லெஜண்ட் சரவணன்”. இதனைத் தொடர்ந்து இவரின் சினிமா எண்ட்ரி குறித்த அறிவிப்பு வெளியானது. சரவணா ஸ்டோர்ஸ் நிறுவனங்களின் விளம்பரங்களை இயக்கி வந்த இரட்டை இயக்குநர்களான ஜேடி-ஜெர்ரி தான் இப்படத்தை இயக்கவுள்ளதாகவும், ஹாரிஸ் ஜெயராஜ் இசை, விவேக், பிரபு முன்னணி நட்சத்திரங்கள் நடிக்க படத்தின் எதிர்பார்ப்பு அதிகரித்தது.
View this post on Instagram
மேலும் தி லெஜண்ட் என பெயரிடப்பட்ட இப்படத்தில் ஹீரோயின்களாக ஊர்வசி ரவுடேலா, கீதிகா திவாரி இருவரும் நடிக்க லட்சுமி ராய், யாஷிகா ஆனந்த் ஆகியோர் ஒருபாடலுக்கு நடனமாடினர். தி லெஜண்ட் படத்தின் இசை வெளியிட்டு விழா மே 29 ஆம் தேதி தமிழ் சினிமாவின் 10 ஹீரோயின்கள் பங்கேற்க மிகப் பிரமாண்டமான முறையில் நடைபெற்றது. படத்தின் பாடல்களும் வெளியாகி ஹிட்டான நிலையில் படம் குறித்த எதிர்பார்ப்பு நாளுக்கு நாள் அதிகரித்தது.
View this post on Instagram
இதற்கிடையில் கடந்த ஜூலை 28 ஆம் தேதி படம் வெளியானது. சுமார் 5 மொழிகளில் 2500 தியேட்டர்களில் படம் வெளியானதால் ரசிகர்கள் சரவணன் அப்படி என்ன செய்திருக்கிறார் என்பதை பார்ப்பதற்காகவே தியேட்டர்களுக்கு படையெடுக்க தொடங்கினர். படம் குறித்து கலவையான விமர்சனங்கள் வெளியாகியுள்ள நிலையில் பலரும் இதுகுறித்த கருத்துகளை சமூக வலைத்தளங்களில் வெளிப்படுத்தி வருகின்றனர்.
குறிப்பாக நடிகர் லெஜண்ட் சரவணனின் நடிப்பு குறித்து சிலர் கிண்டலாகவும், சிலர் அவரின் துணிச்சலான முயற்சியை பாராட்டினர்.
தலைப்பு செய்திகள்
ட்ரெண்டிங் செய்திகள்
