![ABP Premium](https://cdn.abplive.com/imagebank/Premium-ad-Icon.png)
Yogi Babu on Dha Dha Event: ‘இந்த மொகரைக்கு 40 சீனு..’ விழாவிற்கு வரமறுத்த யோகிபாபு.. மேடையில் அவமானப்படுத்திய படக்குழு!
இசை வெளியீட்டு நிகழ்ச்சிக்கு வராத காரணத்தால் யோகிபாபுவை தாதா படக்குழு மற்றும் தயாரிப்பாளார்கள் கடுமையாக விமர்சனம் செய்திருப்பது கோலிவுட்டில் பரபரப்பை ஏற்படுத்தி இருக்கிறது.
![Yogi Babu on Dha Dha Event: ‘இந்த மொகரைக்கு 40 சீனு..’ விழாவிற்கு வரமறுத்த யோகிபாபு.. மேடையில் அவமானப்படுத்திய படக்குழு! Kollywood Latest Update Dha Dha crew producers criticized Yogi Babu for not attending music launch event Yogi Babu on Dha Dha Event: ‘இந்த மொகரைக்கு 40 சீனு..’ விழாவிற்கு வரமறுத்த யோகிபாபு.. மேடையில் அவமானப்படுத்திய படக்குழு!](https://feeds.abplive.com/onecms/images/uploaded-images/2022/12/04/27dcb3cbda7ae1cc717e0594faf2967a1670140228521224_original.jpg?impolicy=abp_cdn&imwidth=1200&height=675)
கின்னஸ் கிஷோர் இயக்கி, தயாரித்துள்ள திரைப்படம் தா தா. இந்தப்படத்தில் யோகிபாபு, நித்தின் சத்யா, மனோ பாலா, சிங்கமுத்து, நாசர், ரவிதுரை உள்ளிட்ட பல நடிகர்கள் நடித்துள்ளனர். இந்தப்படத்தின் இசை வெளியீட்டு விழா நேற்று நடந்தது.
இந்த விழாவிற்கு படக்குழு சார்பில் யோகிபாபுவுக்கு அழைப்பு விடுக்கப்பட்டதாக தெரிகிறது. அப்போது யோகி பாபு நான் படத்தில் "நாற்பது சீனா நடித்திருக்கிறேன்.. நாலு சீன்தானே நடித்திருக்கிறேன்" என்று கூறி விழாவுக்கு வர மறுத்ததாக சொல்லப்படுகிறது. இந்த நிலையில் விழாவிற்கு வருகை தந்த தயாரிப்பாளர்கள் மற்றும் நடிகர்கள் யோகிபாபுவை கடுமையாக சாடினர்.
நிகழ்ச்சியில் கலந்து கொண்ட விஜய் டிவி லொல்லுசபா மனோகர் பேசும் போது, “ நாலு சீனோ, 40 சீனோ அது இங்க முக்கியமில்ல. நாலு சீனு நடிச்சாலும் மக்கள் மனதில் நிற்க வேண்டும். அவர்கள் நம்மை பாராட்ட வேண்டும். நான் விஜயுடன் வேலாயுதம் படத்தில் நடித்தேன். அதில் என்னுடைய கேரக்டர் பஜன்லால் சேட்.அந்தப்படத்தில் விஜய் என்னை சீன் முழுக்கவே பஜன் லால் சேட் என்று சொல்லிக்கொண்டே இருப்பார். அப்படி இருக்கும் போது நான் ஒரு சீன் என்று சொல்ல கூடாது.
எல்லா சீனும் நான் வந்திருக்கிறேன். அவ்வளவு பெரிய ஹீரோ வாயில் இருந்து அந்த வார்த்தை வந்திருக்கிறது. சூழ்நிலை இப்படி இருக்கும் போது நீ எப்படி நிர்ணயிக்கலாம் நாலு சீனா.. நாற்பது சீனா என்பதை.. நீ அந்த வார்த்தையை சொன்னால் என்ன ஆகும் அப்படியென்றால், அந்தப்படத்தில் நடிக்கிற லைட் மேன் தொடங்கி தயாரிப்பாளார் வரை அனைவரும் நஷ்டம் அடைவர். அதனால் நடிகர்கள் தயாரிப்பாளர்களுக்கு ஒத்துழைப்பு கொடுக்க வேண்டும்.” என்று பேசினார்.
இவரை போல படத்தின் இயக்குநர் கின்னஸ் கிஷோர், தயாரிப்பாளர் JSK சதீஷ்குமார் உள்ளிட்ட பலரும் யோகிபாபுவை கண்டித்தனர்.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)