Innova Hycross: ரூ.1.8 லட்சம் போதும்..! இன்னோவா ஹைக்ராஸ்-க்கான EMI திட்டம் - ஹைப்ரிட் காரில் பறக்கலாம்..

Innova HycrossEMI Scheme:டொயோட்டா இன்னோவா ஹைக்ராஸ் கார் மாடலை வெறும் ரூ.1.89 லட்சத்தை முன்பணமாக செலுத்துவதன் மூலம், சொந்தமாக்குவது எப்படி என்பதை இந்த தொகுப்பில் அறியலாம்.

டொயோட்டா இன்னோவா ஹைக்ராஸ்

Source : TOYOTA

Show Quick Read

Key points generated by AI, verified by newsroom

• டொயோட்டா இன்னோவா ஹைக்ராஸ் கார் EMI திட்டத்தில் வாங்கலாம்.
• ரூ.2 லட்சம் முன்பணம் மற்றும் 4 வருட கடனில் EMI குறையும்.
• 9% வட்டி விகிதத்தில் மாத EMI ரூ.48,520 முதல் தொடங்கும்.
• பெட்ரோல், ஹைப்ரிட் இன்ஜின் விருப்பங்களில் கார் கிடைக்கிறது.

Innova HycrossEMI Scheme: டொயோட்டா இன்னோவா ஹைக்ராஸ் கார் மாடலை மாடாலை மாதாந்திர தவணை அடிப்படையில் சொந்தமாக்குவதற்கான வழிமுறைகள் கீழே விவரிக்கப்பட்டுள்ளது.

டொயோட்டா இன்னோவா ஹைக்ராஸ்:

டொயோட்டா இன்னோவா ஹைக்ராஸ் இந்திய ஆட்டோமொபைல் சந்தையில் பிரபலமான 7 இருக்கைகள் கொண்ட MPV கார் மாடலாக திகழ்கிறது. அதன் பெட்ரோல் மற்றும் ஹைப்ரிட் என்ற இரண்டு எரிபொருட்கள் ஆப்ஷனுமே பொதுமக்களிடையே நல்ல வரவேற்பை பெற்றுள்ளன. டொயோட்டா இன்னோவா ஹைக்ராஸின் எக்ஸ்-ஷோரூம் விலை 18.48 லட்சத்தில் தொடங்கி 31.30 லட்சம் வரை (எக்ஸ்-ஷோரூம்) வரை நீள்கிறது. ஆன்-ரோடு விலை மாநில வரிகளைப் பொறுத்து மாறுபடுகிறது. சென்னையை பொறுத்தவரையில் இதன் ஆன் - ரோட் விலையானது, சுமார் ரூ.23.82 லட்சத்தில் தொடங்கி 41.01 லட்சம் ரூபாய் வரை நீள்கிறது. இருக்கை மற்றும் எரிபொருள் ஆப்ஷன் என மொத்தம் 12 வேரியண்ட்களில் இன்னோவா ஹைக்ராஸ் விற்பனை செய்யப்படுகிறது.

 

இன்னோவா ஹைக்ராஸ் - EMI திட்டம்

நம்பகத்தன்மை மற்றும் வலுவான செயல் திறனுக்கு பெயர் போன இன்னோவா ஹைக்ராஸ் பலருக்கும் விருப்பமான தேர்வாக இருந்தாலும், அதன் விலை பட்ஜெட்டிற்குள் இல்லாதது பலருக்கு வருத்தமாக இருக்கலாம். அப்படி கருதுபவர்களில் நீங்களும் ஒருவரகா இருந்தால் உங்களுக்கான தீர்வினை இந்த தொகுப்பில் வழங்கியுள்ளோம். அதன்படி, இன்னோவா ஹைக்ராஸை சொந்தமாக்க ஒரே அடியாக நீங்கள் முழு கட்டணத்தையும் செலுத்த வேண்டிய அவசியமில்லை. இந்த காரை மாதாந்திர தவணை அடிப்படையிலும் சொந்தமாக்கலாம். அதற்கான முழு நிதி திட்ட விவரங்கள் கீழே பட்டியலிடப்பட்டுள்ளன. முழுமையான நிதித் திட்டத்தை ஆராய்வோம்.

ரூ.2 லட்சத்தில் ஹைக்ராஸை சொந்தமாக்குவது எப்படி?

சென்னையில் டொயோட்டா இன்னோவா ஹைக்ராஸின் GX 7STR வேரியண்டின் ஆன்-ரோட் விலையானது சுமார் ரூ.23 லட்சம் தொடங்கி ரூ.23.7 லட்சம் வரை நீள்கிறது. உங்கள் வருடாந்திர மாதத் தவணைகளை பொறுத்து வங்கிகள் சுமார் 8.5 சதவிகிதம் முதல் 11 சதவிகிதம் வரையிலான கார் கடன்களை வழ்னக்குகின்றன. நல்ல கிரெடிட் ஸ்கோர் அதிக கடன் தொகையைப் பெற உதவும். இந்த வாகனத்திற்கு குறைந்தபட்சமாக ரூ.1.89 லட்சத்தில் தொடங்கி ரூ.5 லட்சம் வரை முன்பணமாக செலுத்தலாம். அதன் அடிப்படையில் மீதத் தொகையை வங்கி மூலம் கடனாக பெறலாம். 

ஒவ்வொரு மாதமும் எவ்வளவு EMI செலுத்த வேண்டும்?

கார் கடனை திருப்பி செலுத்துவதற்கான அவகாசத்தை பயனர்கள் தங்களது விருப்பத்திற்கு ஏற்ப 7 ஆண்டுகள் வரையிலும் நீட்டித்துக் கொள்ளலாம். செலுத்திய முன்பணம் மற்றும் தேர்வு செய்த கால அவகாசத்தை பொறுத்து நீங்கள் செலுத்தும் மாதாந்திர தவணை தொகை மாறுபடும்.  நீங்கள் இந்த காரை  ரூ.2 லட்சத்தை முன்பணமாக செலுத்தி 4 வருட கடனில் வாங்கினால், 9 சதவிகித வட்டி விகிதத்தில் மாதத்திற்கு சுமார் ரூ.48,520 மாதாந்திர தவணை செலுத்த வேண்டி இருக்கும். அதுவே கடனை செலுத்துவதற்கான கால அவகாசத்தை 5 ஆண்டுகளாக தேர்வு செய்தால் மாதாந்திர தவணை சுமார் ரூ.40,474 ஆக இருக்கும்.  6 வருட கடனுக்கு தோராயமாக சுமார் 35,145ரூபாயும், 7 வருட கடனுக்கு  சுமார் 31,370 ரூபாயையும் நீங்கள் மாதாந்திர தவணையாக செலுத்த வேண்டி இருக்கும். அதிக முன்பணம் செலுத்துவதன் மூலம் உங்கள் மாதாந்திர தவணை தொகைகளை வெகுவாக குறைக்கலாம்.

இன்னோவா ஹைக்ராஸ் - இன்ஜின், போட்டியாளர்கள்

இன்னோவா ஹைக்ராஸ் கார் மாடலில் 2.0 லிட்டர் நேட்சுரலி ஆஸ்பிரேடட் பெட்ரோல் மற்றும் 2.0 லிட்டர் வலுவான ஹைப்ரிட் இன்ஜின் ஆப்ஷன்கள் உள்ளன. பெட்ரோல் எடிஷன் லிட்டருக்கு சுமார் 16 கிலோ மீட்டரும், ஹைப்ரிட் எடிஷன் லிட்டருக்கு சுமார் 23 கிலோ மீட்டரும் மைலேஜ் வழங்குவதாக தெரிவிக்கப்பட்டுள்ளது. ஹைப்ரிட் எடிஷனானது 10.6 விநாடிகளிலேயே பூஜ்ஜியத்திலிருந்து 100 கிலோ மீட்டர் வேகத்தை எட்டுகிறது. டொயோட்டா இன்னோவா ஹைக்ராஸ் கார் மாடலானது, உள்நாட்டில் மஹிந்திரா XUV700, டாடா சஃபாரி, டொயோட்டா இன்னோவா க்ரிஸ்டா, கியா காரன்ஸ் மற்றும் மாருதி சுசூகி இன்விக்டோஆகிய கார் மாடல்களுடன் போட்டியிடுகிறது.