Jailer Update: ‛கொல காண்டுல தலைவர்...’ ஜெயிலுக்குள் சூப்பர் ஸ்டார்... வெளியானது ஜெயிலர் போஸ்டர்!
Rajinikanth Jailer Update: பீஸ்ட் படத்தின் தோல்வியால் நெல்சனுடன் இணைவதை ரஜினி கைவிட்டு விட்டார் என தகவல் வெளியானது. ஆனால் அதெல்லாம் இல்லை என்னும் அளவுக்கு ஜெயிலர் படத்துக்கான முன்கட்ட பணிகள் விறுவிறுப்பாக நடைபெற்று வந்தது.
ரஜினி நடிக்கவுள்ள ஜெயிலர்(Jailer) படத்தின் முக்கிய அப்டேட்டை சன் பிக்சர்ஸ் நிறுவனம் வெளியிட்டுள்ளது.
சன் பிக்சர்ஸ் தயாரிப்பில் சிவா இயக்கத்தில் நடிகர் ரஜினி நடித்த அண்ணாத்த படம் கடந்தாண்டு தீபாவளிக்கு வெளியானது, இதேபோல் சன் பிக்சர்ஸ் தயாரிப்பில் விஜய் நடிக்க நெல்சன் இயக்கிய பீஸ்ட் படம் கடந்த ஏப்ரல் மாதம் ரிலீசாகியிருந்தது. இந்த பீஸ்ட் படம் உருவாகிக் கொண்டிருக்கும் போதே ரஜினியின் அடுத்தப்பட அறிவிப்பு வெளியானது. அவரின் அடுத்தப்படத்தை இயக்கப்போகும் இயக்குநர்கள் பட்டியலில் ஏராளமான பெயர்கள் இடம் பெற்ற நிலையில் கடைசியில் ரஜினியின் அடுத்தப்படத்தை சன் பிக்சர்ஸ் பேனரில் இயக்குநர் நெல்சனே இயக்குவார் என அறிவிக்கப்பட்டது. படத்திற்கு அனிருத் இசையமைக்கவுள்ள நிலையில் படத்தின் பெயர் “ஜெயிலர்” என தேர்வு செய்யப்பட்டது.
View this post on Instagram
இதற்கிடையில் பீஸ்ட் படத்தின் தோல்வியால் நெல்சனுடன் இணைவதை ரஜினி கைவிட்டு விட்டார் என தகவல் வெளியானது. ஆனால் அதெல்லாம் இல்லை என்னும் அளவுக்கு ஜெயிலர் படத்துக்கான முன்கட்ட பணிகள் விறுவிறுப்பாக நடைபெற்று வந்தது. ஆகஸ்ட் மாத தொடக்கத்தில் செய்தியாளர்களை சந்தித்த ரஜினி ஆகஸ்ட் 15 அல்லது 22 ஆம் தேதி ஜெயிலர் படத்தின் படப்பிடிப்பு தொடங்கும் என அப்டேட்டை தெரிவித்திருந்தார். இதனிடையே இந்த படத்தில் நடிகைகள் ஐஸ்வர்யா ராய், ரம்யா கிருஷ்ணன், பிரியங்கா மோகன் ஆகியோர் நடிக்கவுள்ளதாக பெயர்கள் அடிபட்ட நிலையில் தான் நடிப்பதை ரம்யா கிருஷ்ணனே உறுதி செய்திருந்தார். மேலும் ஆக்ஷன் த்ரில்லர் படமாக உருவாக இருக்கும் இந்தப்படத்தில், கன்னட நடிகர் சிவராஜ்குமார் நடிக்கிறார்.
View this post on Instagram
இதனால் படத்துக்கு எதிர்பார்ப்பு கூடிக்கொண்டேயிருந்த நிலையில் நேற்றைய தினம் சன்பிக்சர்ஸ் நிறுவனம் அறிவிப்பு ஒன்றை வெளியிட்டது. அதில் இன்று காலை 11 மணிக்கு ஜெயிலர் படத்தின் அப்டேட் வெளியாகும் என தெரிவிக்கப்பட்டதால் அப்போது முதலே சமூக வலைத்தளங்கள் களைக்கட்டின. இந்நிலையில் ஜெயிலர் படத்தின் அப்டேட் வெளியாகியுள்ளது. அதன்படி இன்று முதல் படப்பிடிப்பு தொடங்கியுள்ளதாக தெரிவிக்கப்பட்டுள்ளது. இதனால் ரஜினி ரசிகர்கள் மகிழ்ச்சியடைந்துள்ளனர்.
Before You Go
Parthiban Apology | ”நான் சாதி பார்க்குறவனா? வாய் தவறி பேசிட்டேன்” பார்த்திபன் அந்தர்பல்டி
தலைப்பு செய்திகள்
ட்ரெண்டிங் செய்திகள்
