HBD Prabhas: ஹாப்பி பர்த்டே பாகுபலி! பிரபாஸ் பற்றி இதுவரை நீங்கள் அறியாதது - ஓர் அலசல்

இந்திய திரையுலகின் முன்னணி நடிகர் பிரபாஸ் பற்றி அறியாத தகவல்களை கீழே காணலாம்.

பிரபாஸ்

Source : twitter

இந்திய திரையுலகின் முன்னணி நடிகர்களில் ஒருவராக திகழ்பவர் பிரபாஸ். பாகுபலி நடித்ததின் மூலம் இந்திய அளவில் மிகவும் முக்கியமான நடிகராக பிரபாஸ் திகழ்கிறார். 1979ம் ஆண்டு பிறந்த பிரபாஸிற்கு இன்று 45வது பிறந்தநாள் ஆகும்.

பிரபாஸ் பற்றி அறியாதது:

நடிகர் பிரபாஸின் பிறந்தநாளை முன்னிட்டு பிரபலங்களும், ரசிகர்களும் அவருக்கு வாழ்த்து கூறி வருகின்றனர். நடிகர் பிரபாஸ் பற்றி தெரியாத தகவல்களை கீழே விரிவாக காணலாம்.

• பிரபாஸின் முழுப்பெயர் பலரும் அறிந்திருக்க வாய்ப்பு இல்லை. அவரது முழுப்பெயர் வெங்கட சத்யநாராயண பிரபாஸ் ராஜூ உப்பலபடி என்பதே ஆகும்.
• பிரபாஸ் ஒரு பொறியியல் பட்டதாரி. ஹைதரபாத்தில் உள்ள ஸ்ரீசைதன்யா கல்லூரியில் பி.டெக் பட்டம் பெற்றுள்ளார்.
• பிரபாஸிற்கு முதலில் நடிப்பதற்கு பெரியளவில் விருப்பம் இல்லாமல் இருந்துள்ளது. படிப்பை முடித்த அவருக்கு ஹோட்டல் தொழில் மீதே ஆர்வம் இருந்துள்ளது. மிகப்பெரிய ஹோட்டல் தொழிலதிபர் ஆக வேண்டும் என்பதே அவரது விருப்பம் ஆகும்.
• பாகுபலி 1 மற்றும் பாகுபலி 2 ஆகிய படங்கள் நடிக்க ஒப்பந்தம் ஆன காலகட்டத்தில் பிரபாஸ் எந்தவொரு விளம்பர படத்திலும், வேறு படங்களிலும் நடிக்கவில்லை. இதற்காகவும் அவர் படக்குழுவினருடன் ஒப்பந்தம் போட்டிருந்தார்.
• பிரபாஸிற்கு பாலிவுட் இயக்குனர் ராஜ்குமார் ஹிரானியின் திரைப்படங்கள் மிகவும் பிடித்தமான ஒன்றாகும். அவரது முன்னாபாய் எம்.பி.பி.எஸ். 3 இடியட்ஸ் படங்களை பல முறை பார்த்துள்ளார்.
• லண்டனில் உள்ள புகழ்பெற்ற ராயல் ஆல்பர்ட் ஹால் அரங்கில் ஆங்கிலம் அல்லாமல் ஒளிபரப்பப்பட்ட ஒரே திரைப்படம் பாகுபலி படம் ஆகும்.
• பாங்காக்கில் உள்ள புகழ்பெற்ற டுசாவ்ட் அருங்காட்சியகத்தில் மெழுகுச் சிலை வைக்கப்பட்டுள்ள ஒரே ஒரு தென்னிந்திய நடிகர் பிரபாஸ் மட்டுமே ஆவார்.
• பிரபுதேவா நடித்துள்ள ஆக்‌ஷன் ஜாக்சன் என்ற இந்தி படத்தில் பிரபாஸ் சிறப்புத் தோற்றத்தில் நடித்திருப்பார்.  
• பிரபல ஹாலிவுட் நடிகர் ராபர்ட் டி நிரோவின் மிகப்பெரிய ரசிகர் பிரபாஸ்.
• பிரபாஸ் மிகப்பெரிய உணவுப்பிரியர். அவருக்கு பட்டர் சிக்கன் மற்றும் பிரியாணி மிகவும் பிடித்த உணவு ஆகும். அவர் தன்னுடைய பட வெளியீட்டிற்கு பிறகு வெளிநாடுகளுக்கு சுற்றுப்பயணம் மேற்கொள்வதை வழக்கமாக வைத்துள்ளார்.

பிரபாஸ் நடிப்பில் ஸ்பிரிட், சலார் 2, கல்கி 2 உள்பட 5 படங்கள் வெளியீட்டிற்குத் தயாராக உள்ளது என்பது குறிப்பிடத்தக்கது.