டி.இமானின் அடுத்த அறிமுகம் ‛தேவகோட்டை அபிராமி’ அனைவரையும் ஆட்டம் போட வைத்தவர்!

Devakottai Abirami: யார் இந்த தேவகோட்டை அபிராமி... எப்படி இருக்கும் அவரது குரல்... என அவரைப் பற்றி தெரியாதவர்களுக்கு, இதோ அவரது சில ஆல்பங்கள் உங்கள் பார்வைக்கு!

Written By : பா.ஸ்டாலின் நவநீதகிருஷ்ணன் | Updated at : 05 Aug 2022 02:42 PM (IST)

தேவகோட்டை அபிராமி

இசைக்கு யாரும் தூரமில்லை. எங்கிருந்து வருகிறது, யாரிடமிருந்து வருகிறது என்பதெல்லாம் இங்கு யாரும் பார்ப்பதில்லை. ரசிக்க வைத்தால் அதுவே இசை. அதை அடையாளம் காண்பதில் தான் சிக்கல். அப்படி ஒரு சிக்கலை சமீபத்தில் முடி முடியாக அவிழ்த்து வருபவர் இசையமைப்பாளர் டி.இமான்.

நல்ல குரல்வளம், நல்ல திறமை இருந்தால், அவர்கள் எப்படி இருந்தாலும் அவர்களுக்கு வாய்ப்பு வழங்கி, அவர்களை உயர்த்தி மகிழும் நல்உள்ளம் படைத்தவராக இமான் இருக்கிறார். அவரால் அறிமுகமான பலர், இன்று அங்கீகரிக்கப்பட்டுள்ளனர். அவர்கள் எதற்காக ஏங்கினார்களோ அது அவர்களுக்கு கிடைத்திருக்கிறது.

இந்நிலையில், பட்டி தொட்டியெல்லாம் பட்டையை கிளப்பிய நாட்டுப்புற பாடகி தேவகோட்டை அபிராமியை அறிமுகம் செய்கிறார் டி.இமான். சமுத்திரகனி தயாரிப்பில் கலை வெங்கட் நடிக்கும் பப்ளிக் படித்தில் தான் , தேவகோட்டை அபிராமியை சினிமா பாடகியாக அறிமுகம் செய்கிறார் டி.இமான்.

ரா.பரமன் இயக்கும் இந்த படத்தில், முக்கியமான ஒரு பாடலை தேவகோட்டை அபிராமிக்கு வழங்கியிருக்கிறார் டி.இமான். இளம் வயதில், பல கிராமங்களில் தனது நாட்டுப்புற படலால் இளைஞர்களை கட்டிப் போட்ட தேவகோட்டை அபிராமி, இனி சினிமா பாடல் வழியாக வந்து ,நம்மை மகிழ்விக்க உள்ளார்.

இது தொடர்பான அதிகாரப்பூர்வ அறிவிப்பை, டி.இமான் தனது முகநூல் பக்கத்தில் தெரிவித்துள்ள நிலையில், டி.இமானின் இந்த முயற்சியை பலரும் பாராட்டி பதிவுகள் போட்டு வருகின்றனர்.

யார் இந்த தேவகோட்டை அபிராமி... எப்படி இருக்கும் அவரது குரல்... என அவரைப் பற்றி தெரியாதவர்களுக்கு, இதோ அவரது சில ஆல்பங்கள் உங்கள் பார்வைக்கு...