Actress Shakila: “திருமணத்துக்கு பிறகும் முன்னாள் காதலர்களுடன் பேசுகிறேன்” - நடிகை ஷகீலா ஓபன் டாக் !

எனக்கு தோன்றினால் நிச்சயம் திருமணம் செய்வேன். என்னை லவ் பண்ணியவர்களுடன் நான் பேசிக்கொண்டு தான் இருக்கிறேன்.

நடிகை ஷகீலா

நான் காதலித்தவர்கள் எல்லாருடனும் தற்போது வரை பேசிக்கொண்டு தான் இருக்கிறேன் என நடிகை ஷகீலா நேர்காணல் ஒன்றில் தெரிவித்துள்ளார். 

1980,90 காலக்கட்டங்களில் கவர்ச்சி நடிகையாக அறியப்பட்ட ஷகீலா கடந்த 20 வருடங்களாக தன் மீதான அந்த எண்ணத்தை அவர் படிப்படியாக மாற்றி வருகிறார். தமிழிலும் முதலில் கவர்ச்சி நடிகையாகவே கருதப்பட்டார். ஆனால் பல படங்களில் காமெடி வேடங்களில் நடித்து வந்த ஷகீலா, விஜய் டிவியில் ஒளிபரப்பான குக் வித் கோமாளி என்ற சமையல் நிகழ்ச்சி மூலம் மிகப்பெரிய அளவில் ரசிகர்களை கவர்ந்தார்.

உண்மையில் அந்த நிகழ்ச்சியில் ஷகீலாவின் கடந்த கால எண்ணங்களை எல்லாம் மாற்றி போட்டு விட்டது. யூட்யூப் சேனல் ஒன்றில் பிரபலங்களை நேர்காணல் செய்து வரும் நிகழ்ச்சியை ஷகீலா தொகுத்து வழங்கி வருகிறார். இதனிடையே நேர்காணல் ஒன்றில் பேசிய ஷகீலா தன்னுடைய நிறைவேறாத காதல் பற்றி பேசியுள்ளார். அதில், “எல்லாரையும் நான் ரொம்ப லவ் பண்ணேன். அவங்களும் என்னை ரொம்ப லவ் பண்ணாங்க. அதுமேலோட்டமான காதல் கிடையாது. ஒருநாள் லவ் பண்ணினாலும் திருமணத்துக்கு பிறகு வெளியே செல்வது வரை யோசிப்போம். அதுதான் யதார்த்தமானது. அது சேராமல் போய்விட்டது.

அதை நினைத்து நான் வருத்தப்பட்டது இல்லை. என்னுடைய குடும்பம் ரொம்ப பெரியது என்பதால் அவர்களை காப்பாற்ற வேண்டிய பொறுப்பு என்னிடம் இருந்தது. இப்ப எனக்கு அந்த மாதிரி கடமை எதுவும் இல்லை. அப்ப எனக்கு நேரம் இல்லாமல் இருந்தது. இப்ப எனக்கு தோணவில்லை.

எனக்கு தோன்றினால் நிச்சயம் திருமணம் செய்வேன். என்னை லவ் பண்ணியவர்களுடன் நான் பேசிக்கொண்டு தான் இருக்கிறேன். என்னுடைய பிறந்தநாளுக்கு அவர்கள் அனைவரும் வாழ்த்து தெரிவிப்பார்கள். அனைவரும் தங்கள் மனைவிகளோடு என் வீட்டுக்கு வருவார்கள். குழந்தைகள் என்னை பெரியம்மா என்றே அழைப்பார்கள். அவர்களின் மனைவியும் என்னை அக்காவாக நினைப்பார்கள். நான் அத்தனை பேர் வீடுகளிலும் நாட்டாமை பண்ணுவேன். பிரச்சினை என்றால் தீர்ப்பேன். 

எதாவது ஒரு போட்டோ நாங்கள் இருப்பதுபோல இருக்கும். அதில் மாட்டிக்கொள்வார்கள். அதன்பிறகு மனைவியை அழைத்து வர சொல்லி நான் சமாதானம் செய்வேன். உண்மையை சொல்வேன். வரும் வரை ஒரு தயக்கத்துடன் தான் இருப்பார்கள். ஆனால் நான் பேசிய பிறகு என் முன்னாள் காதலர்களின் மனைவிகள் என்னுடன் நெருக்கமாகி விடுவார்கள்” என நடிகை ஷகீலா கூறியுள்ளார். 

---

மேலும் படிக்க: Roshini : அபிராமி அபிராமி ! என உருகிய கமல்... 'குணா' பட நாயகி ரோஷிணி இப்போ என்ன செய்கிறார்?