சமந்தாகிட்ட கேட்க வேண்டியதுதானே? என்கிட்ட மட்டும் கேட்குறீங்க...? - ஓபனாக பேசிய நடிகை நமீதா!
“ எனக்கு திருமணமான அதே வருஷத்துலதான் சமந்தாவிற்கு திருமணமானது . அப்போ அவங்க வாய்ப்பு குறைந்ததால திருமணம் செய்துக்கிட்டாங்களா?"
தமிழ் சினிமாவில் கிளாமர் நடிப்பால் புகழ்பெற்றவர் நடிகை நமீதா . எங்கள் அண்ணா திரைப்படம் மூலம் தமிழ் சினிமாவில் அறிமுகமானார். விஜய்காந்த், சரத்குமார், சத்யராஜ் , அர்ஜூன் , பார்த்திபன் என பிரபல நடிகர்களுக்கு ஜோடியாக நடித்தவர். அதுமட்டுமல்ல அஜித், விஜய் போன்ற டாப் ஹீரோக்களின் படங்களிலும் நமீதா நடித்திருக்கிறார். நமீதா சில காலங்கள் ரியாலிட்டி ஷோ ஒன்றில் நடுவராகவும் பணியாற்றினார். இவர் அழைக்கும் “ மச்சான் “ என்னும் வார்த்தை பலருக்கும் ஃபேவரெட். கடந்த 2017 ஆம் ஆண்டு தெலுங்கு நடிகர் வீரேந்திர சௌத்ரி என்பவரை திருமணம் செய்துக்கொண்டு செட்டில் ஆன நமீதா, பேட்டி ஒன்றில் சில விஷயங்களை மனம் திறந்து பேசியுள்ளார். குறிப்பாக வாய்ப்புகள் குறைந்ததால்தான் நமீதா திருமணம் செய்து செட்டில் ஆகிவிட்டார் என கூறப்பட்ட நிலையில் , அதற்கும் விளக்கமளித்துள்ளார்.
View this post on Instagram
அதில் “ எனக்கு திருமணமான அதே வருஷத்துலதான் சமந்தாவிற்கு திருமணமானது . அப்போ அவங்க வாய்ப்பு குறைந்ததால திருமணம் செய்துக்கிட்டாங்களா? அதை ஏன் அவங்ககிட்ட கேட்க மாட்டுறாங்க. என்னிடம் மட்டுமே கேட்கிறாங்க. நடிகர் விஜய்க்கிட்ட எனக்கு ரொம்ப பிடித்தது அவருடைய டான்ஸிங் ஸ்டைல்தான். நானும் டான்ஸர்னால எனக்கு அது புரியும். அவர் எல்லாத்தையும் சீக்கிரமா கற்றுக்கொள்வார். ஒருதடவை பார்ப்பாரு, இரண்டு தடவை ரிகர்ஸல் செய்வாரு. அவ்வளவுதான் முடிச்சிருவாரு. 4 நாட்கள் முடிக்க வேண்டிய பாடலை , 2 நாட்கள்லையே முடிச்சிருவோம். விஜய், அஜித் இரண்டு பேரையும் பொருத்தவரையில் இரண்டு பேரும் ரொம்ப அமைதி , டவுண்ட் டு எர்த், சீக்கிரமா கற்றுக்கொள்வார்கள், அவங்க இருவருமே ரொம்ப மரியாதையானவங்க. சரியான நேரத்திற்கு ஷூட்டிங் வந்துடுவாங்க. ஹீரோயின் வருவதற்கு தாமதமானால் , அவங்களுக்கு இருக்கும் மேக்கப் சிக்கல்களை புரிந்துக்கொள்வார்கள் “ என குறிப்பிட்டுள்ளார் நமீதா.
View this post on Instagram
தலைப்பு செய்திகள்
ட்ரெண்டிங் செய்திகள்
