Vijay Birthday: “உள்ள வந்தா பவரடி.... அண்ணன் யாரு தளபதி...” - நடிகர் விஜய் செய்த புதிய சாதனை...

ஒவ்வொரு முறை விஜயின் படம் வெளியாகும்போதும் புதிய சாதனைகளை படைக்கிறார் அவர். அந்த வகையில் தற்போது புதிய சாதனை ஒன்றை நிகழ்த்தியுள்ளார் நடிகர் விஜய்

விஜய். image source: twitter

தமிழ் நடிகர்களில் யாரும் செய்யாத  இந்த சாதனையை செய்தவர் விஜய் தான். அது என்ன சாதனைத் தெரியுமா…

நாளை ஜூன் 22 ஆம் தேதி நடிகர் விஜய் தனது 49 ஆவது வயதை எட்டுகிறார். அவரது பிறந்தநாளை சிறப்பாக கொண்டாட ரசிகர்கள் சார்பாகவும் சரி விஜய் தற்போது நடித்து வரும் படக்குழு சார்பாகவும் சரி இரு தரப்பில் இருந்தும் வேலைகள்  நடந்து வருகின்றன.

டைம்ஸ் ஸ்கொயரில் வந்த ஒரே தமிழ் நடிகர்

விஜய் பிறந்தநாளை இன்னும் விமரிசையாக கொண்டாடும் வகையில் நியுயார்க்கின் மிகப்புகழ்பெற்ற இடமான டைம்ஸ் ஸ்கொயரின் விளம்பரப் பலகையில் நடிகர் விஜய்க்கு பிறந்தநாள் வாழ்த்துத் தெரிவிக்கப்பட்டுள்ளது. ஏற்கனவே தனுஷ் மற்றும் மாதவன் ஆகியவர்களின் படங்கள் ஹாலிவுட் படங்களில் நடித்ததற்காக இந்த விளம்பர பலகைகளில் வந்திருந்தாலும் ஒரு தமிழ் நடிகராக இந்த சிறப்பை பெற்றவர் விஜய் மட்டும்தான்

Happy & proud to feature @actorvijay Anna on the prestigious Times Square Billboard @ New York City to kick start birthday celebrations for #Thalapathy by @CanadaVMI 😍😍😍#HBDThalapathyvijay pic.twitter.com/UAOAdYc6ww

— Kartik (@TheVJClan) June 20, 2023

 

நா ரெடி

நடிகர் விஜய்யின் பிறந்தநாளை சிறப்பாகக் கொண்டாட திட்டமிட்ட படக்குழு அன்றைய தினம் லியோ படத்தின் முதல் பாடலாக ‘அல்டர் ஈகோ - நா ரெடி’ வெளியாகும் எனத் தெரிவித்துள்ளது. இதனால் விஜய் ரசிகர்கள் மகிழ்ச்சியடைந்துள்ளனர். இந்த ஒரு பாடல் மொத்தம் 2000 டான்சர்களை வைத்து மொத்தம் 7 நாட்களில் உருவாகியுள்ளது . முன்னதாக எட்டு நாட்களில் எடுக்க திட்டமிடப்பட்டு பின் ஏழு நாட்களில் எடுக்கப்பட்டிருக்கிறது.

ஃப்ர்ஸ்ட் லுக்

இத்தனை சர்ப்ரைஸ் போதாதென்று தற்போது வெளியாகியிருக்கும் மற்றொரு தகவல் என்னவென்ற இன்று நள்ளிரவு பண்ணிரெண்டு மணியளவில் லியோ படத்தின் ஃபர்ஸ்ட் லுக் ஒன்றையும் வெளியிட இருப்பதாக அறிவித்துள்ளது படக்குழு.

லியோ

இயக்குநர் லோகேஷ் கனகராஜூடன் நடிகர் விஜய் 2ஆவது முறையாக ‘லியோ’ படத்தில் இணைந்துள்ளார். இதில் ஹீரோயினாக நடிகை த்ரிஷா நடித்துள்ளார். மேலும் சஞ்சய் தத், சாண்டி மாஸ்டர், இயக்குநர்கள் கெளதம் மேனம், மிஷ்கின், பிரியா ஆனந்த், அர்ஜூன், மன்சூர் அலிகான், மேத்யூ தாமஸ், ஜோஜூ ஜார்ஜ் உள்ளிட்ட பல முன்னணி நட்சத்திரங்களும் இணைந்துள்ளனர். அனிருத் இப்படத்துக்கு இசையமைத்துள்ளார்.

விஜயின் அடுத்தப் படம்

 லியோ படத்தைத் தொடர்ந்து இயக்குநர் வெங்கட் பிரபுவுடன் கை கோர்த்துள்ளார் நடிகர் விஜய். இந்தப் படத்தில் கதாநாயகியாக ஜோதிகா நடிப்பார் என எதிர்பார்க்கப்படுகிறது.யுவன் ஷங்கர் ராஜா இந்தப் படத்திற்கு இசையமைக்கிறார்.