Vijay Antony : அந்த காட்சியை நீக்க முடிவு செய்துவிட்டோம்...மழை பிடிக்காத மனிதன் சர்ச்சை குறித்து விஜய் ஆண்டனி
மழை பிடிக்காத மனிதன் படத்தில் வரும் அறிமுக காட்சியை நீக்க தயாரிப்பாளரும் இயக்குநரும் பேசி முடிவெடுத்துள்ளதாக நடிகர் விஜய் ஆண்டனி தெரிவித்துள்ளார்
மழை பிடிக்காத மனிதன்
நடிகர் விஜய் ஆண்டனி நடித்து விஜய் மில்டன் இயக்கிய மழை பிடிக்காத மனிதன் படம் கடந்த ஆகஸ்ட் மாதம் 2 ஆம் தேதி வெளியானது. இப்படத்தில் மேகா ஆகாஷ் , சரத்குமார் , பிரியா பவானி சங்கர் , சரண்யா பொண்வண்ணன் உள்ளிட்டவர்கள் நடித்துள்ளார்கள். அதில், படத்தின் முதல் நிமிடத்தில் வரும் காட்சிக்கும் தனக்கும் எந்த சம்பந்தமும் இல்லை என்றும், அது படத்தில் எப்படி இணைக்கப்பட்டது என்று தனக்குத் தெரியாது என்றும் கூறினார். இது கோலிவுட்டில் பரபரப்பை ஏற்படுத்தியது.
இதையடுத்து, அந்த முதல் ஒரு நிமிடத்தை தயாரிப்பாளர் தரப்பினர் இணைத்ததாகவும், படத்தின் நாயகன் விஜய் ஆண்டனி அதை இணைத்ததாகவும் தகவல்கள் வெளியாகியது. சினிமா ஆர்வலரான ப்ளூ சட்டை மாறன் விஜய் ஆண்டனி மீது பல்வேறு குற்றச்சாட்டுகளை முன்வைத்து இருந்தது சமூக வலைதளங்களில் வைரலனாது.
இந்த நிலையில், விஜய் ஆண்டனி தற்போது இதுதொடர்பாக விளக்கம் அளித்துள்ளார். அவர் வெளியிட்டுள்ள அறிக்கையில் "மழை பிடிக்காத மனிதன் படத்தின் துவக்கத்தில் வரும் இரண்டு நிமிடக் காட்சியை தனது ஒப்புதல் இல்லாமல் யாரோ இணைத்து உள்ளதாக எனது நண்பர், படத்தின் இயக்குனர் விஜய் மில்டன் வருத்தம் தெரிவித்திருந்தார். அது நான் இல்லை. இது சலீம் 2 இல்லை." என்று விஜய் ஆண்டனி தெரிவித்திருந்தார்.
அறிமுக காட்சியை நீக்க முடிவு
— vijayantony (@vijayantony) August 5, 2024
தற்போது படத்தில் இடம்பெற்ற அந்த அறிமுக காட்சியை நீக்க தயாரிப்பாளர் மற்றும் இயக்குநர் பேசி முடிவுக்கு வந்துள்ளதாக நடிகர் விஜய் ஆண்டனி அறிக்கை வெளியிட்டுள்ளார். அவர் வெளியிட்டுள்ள பதிவில் “ மழை பிடிக்காத மனிதன் திரைப்படத்தின் துவக்கத்தில் வரும் ஓர் அறிமுக காட்சி குறித்து தயாரிப்பாளர்களும் இயக்குநரும் கலந்து பேசி அதை இன்று முதல் திரையரங்குகளில் நீக்கி விடுவதென முடிவு எடுத்துவிட்டனர். இந்த பிரச்சனை முடிந்துவிட்டது என்பதை மகிழ்ச்சியுடன் உங்களுக்கு தெரிவித்துக்கொள்கிறேன்.
மழை பிடிக்காத மனிதன் திரைப்படத்தை திரையரங்களில் பார்த்து ஆதரவு தருமாறு தங்கள் அனைவரையும் கேட்டுக் கொள்கிறேன். என்றும் அன்புடன், விஜய் ஆண்டனி." என்று தெரிவித்துள்ளார்
மேலும் படிக்க : Ilaiyaraaja : 2 கோடி இழப்பீடு கேட்ட இளையராஜா.. மஞ்சும்மெல் பாய்ஸ் கொடுத்தது எவ்வளவு?
Before You Go
Parthiban Apology | ”நான் சாதி பார்க்குறவனா? வாய் தவறி பேசிட்டேன்” பார்த்திபன் அந்தர்பல்டி
தலைப்பு செய்திகள்
ட்ரெண்டிங் செய்திகள்
