மலையாள நடிகர் திலீபுடன் இணைந்து நடிக்கும் சிவகார்த்திகேயன் ? வெளுத்து வாங்கும் நெட்டிசன்கள்

மலையாள நடிகர் திலீப் மற்றும் நடிகர் சிவகார்த்திகேயன் இணைந்து தமிழில் ஒரு படத்தில் நடிக்க இருப்பதாக தகவல்கள் வெளியாகியுள்ளன

சிவகார்த்திகேயன் , திலீப்

Source : X

பாலியல் வழக்கில் சிக்கிய திலீப் உடன் சிவகார்த்திகேயன் இணைந்து நடிக்க இருக்கும் தகவல் தெரிந்து ரசிகர்கள் அவரை சமூக வலைதளங்களில் கடுமையாக விமர்சித்து வருகிறார்கள்.

தமிழ் சினிமாவில் முன்னணி நடிகராக வளர்ந்துள்ளார் சிவகார்த்திகேயன். அவரது வளர்ச்சி பெறுக பெறுக அவரைச் சுற்றி சர்ச்சைகளும் அதிகரிக்கின்றன. அந்த வகையில் விஜயின் ஜனநாயகன் படத்திற்கு போட்டியாக சிவகார்த்திகேயனின் பராசக்தி திரைப்படம் வெளியாக இருந்ததால் விஜய் ரசிகர்களால் கடுமையாக விமர்சிக்கப்பட்டார். பராசக்தி திரைப்படம் கடந்த ஜனவரி மாதம் வெளியாகி எதிர்பார்த்த வெற்றியை பெறவில்லை. படம் கலவையான விமர்சனங்களைப் பெற்றாலும் விஜய் ரசிகர்கள் வேண்டுமென்றே படத்திற்கு நெகட்டிவ் விமர்சனங்களை பரப்பியதாகவும் சில குற்றச்சாட்டுகள் முன்வைக்கப்படுகின்றன. இப்படம் நாளை பிப்ரவரி 7 ஆம் தேதி ஜீ 5 ஓடிடி தளத்தில் வெளியாக இருக்கிறது. 

திலீப் சிவகார்த்திகேயன் கூட்டணி

அடுத்தபடியாக எஸ்.கே சிவகுமார் முருகேசன் படத்தில் நடிக்க இருக்கிறார். இதனைத் தொடர்ந்து வெங்கட் பிரபு இயக்கும் படத்திலும் அவர் நடிக்க இருக்கிறார். இப்படியான நிலையில் மலையாள நடிகர் திலீப் மற்றும் சிவகார்த்திகேயன் இணைந்து தமிழில் ஒரு படத்தில் நடிக்க இருப்பதாக தகவல்கள் வெளியாகியுள்ளன. கூலிப்படையைக் கொண்டு பிரபல  நடிகை கடத்தலில் ஈடுபட்டு அவரை பாலியல் வன்கொடுமை செய்து செல்ஃபோனில் வீடியோ எடுத்த  குற்றச்சாட்டில் சிக்கியவர் திலீப் குமார். அவரது சொந்த மனைவி மஞ்சு வாரியரே அவருக்கு எதிரான நிலைப்பாட்டை எடுத்துள்ளார். இந்த சர்ச்சையில் சிக்கியபின் திரைத்துறையில் அவருக்கு பெரியளவில் பட வாய்ப்புகள் வரவில்லை . இந்த வழக்கில் போதுமான ஆதாரமில்லாததால் நிரபராதி என கடந்த ஆண்டு அறிவிக்கப்பட்டார் திலீப் . தற்போது மீண்டும் ஒரு சில படங்களில் நடிக்கத் தொடங்கியுள்ளார். அந்த வகையில் தமிழில் சிவகார்த்திகேயன் உடன் இணைந்து ஒரு கமர்சியல் பொழுதுபோக்கு படத்தில் திலீப் நடிக்க இருப்பதாக கூறப்படுகிறது. தனால் சிவகார்த்திகேயன் ரசிகர்கள் கடும் கோபத்திற்கு ஆளாகியுள்ளார்கள். சிவகார்த்திகேயனை விமர்சித்து சமூக வலைதளத்தில் ரசிகர்கள் பதிவிட்டு வருகிறார்கள்