Sarath Kumar : “இந்தப் படம் எனக்கு சவாலானது” - தீவிர உடற்பயிற்சி செய்யும் வீடியோவை வெளியிட்ட சரத்குமார்

தனது அடுத்தப் படத்திற்காக தீவீர உடற்பயிற்சி மேற்கொள்ளும் வீடியோவை வெளியிட்டுள்ளார் நடிகர் சரத்குமார்

சரத்​​குமார்.image source : twitter

தனது அடுத்தப் படத்திற்காக தீவிரமாக உடற்பயிற்சி செய்யும் வீடியோவை வெளியிட்டுள்ளார் நடிகர் சரத்குமார்.

சரத்குமார்

தமிழ் திரையுலகின் சுப்ரீம் ஸ்டார் சரத்குமாரின் பிட்னெஸ் கண்டு பலரும் வியந்துள்ளனர். தனது 18 வயது முதல் உடற்பயிற்சி செய்து வரும் சரத்குமார் Mr. மெட்ராஸ் பட்டத்தை வென்றவர். 67 வயதானாலும் இன்றும் தனது உடற்பயிற்சியை தொடர்வதோடு இளைஞர்களுக்கு ஃபிட்னெஸ் டிப்ஸ் வழங்குகிறார்.

தெலுங்கு நடிகர் விஷ்ணு மஞ்சுவுடன் இணைந்து சரத்குமார் வெளியிட்ட ஃபிட்னஸ் ஹேக்குகள் வீடியோ மிகவும் வைரலானது. உடற்பயிற்சி செய்வோருக்கு சரத்குமார் ஒரு சில டிப்ஸ் கொடுத்துள்ளார்.

செய்ய கூடாதவை : மது அருந்துதல், புகை பிடித்தல், நம்மால் கட்டுப்படுத்த இயலாத விஷயங்களை எண்ணி கவலை படுதல்.

செய்ய வேண்டியவை: அவரவரின் உடலுக்கு தேவையானதை மட்டுமே செய்தல். மேல் பாடிபில்டிங் வேண்டும் என்றால் 50 லுங்குகள், சிட்-அப்கள் அவசியம். உதாரணத்திற்கு என்னால் தற்போது  டிரெட்மில்லில் நடக்கவோ ஓடவோ முடியாது என்பதால் உணவு பழக்கத்தை மாற்றுவதன் மூலம் உடல் எடையை குறைக்க முடியும் என்று சில அவசியமான உடற்பயிற்சி டிப்ஸ் வழங்கினார்.

குணச்சித்திர கதாபாத்திரங்கள்

சமீப காலங்களாக குணச்சித்திர கதாபாத்திரங்களில் அதிகம் நடித்து வருகிறார்.  பொன்னியில் செல்வன் படத்தில் பெரிய பழுவேட்டையர் கதாபாத்திரத்தில் நடித்த சரத்குமார். இதனைத் தொடர்து நடித்த போர் தொழில் திரைப்படம் மிகப்பெரிய வெற்றிப் படமாக அமைந்தது. மேலும் சமீபத்தில் வெளியான பரம்பொருள் திரைப்படமும் ரசிகர்களிடம் நல்ல வரவேற்பைப் பெற்றது. இதனைத் தொடர்ந்து தற்போது கெளதம் கார்த்திக் உடன் சரத்குமார் நடித்து வரும் திரைப்படம் க்ரிமினல்.

Keeping fit, in preparation for the next movie which needs my fitness at a greater level. My trainer and good friend of the family Punith from A3 fitness Bangalore takes care of my need and guides me both with the workout and my diet to boost my muscularity and fitness levels. Mr… pic.twitter.com/f2HMDYM9mB

— R Sarath Kumar (@realsarathkumar) September 12, 2023

 தனது அடுத்தப் படத்தின் படப்பிடிப்பில் இணைய இருக்கும் சரத்குமார் தீவிர உடற்பயிற்சி மேற்கொண்டு வருகிறார். இந்த வீடியோவை தனது ட்விட்டர் பக்கத்தில் பதிவிட்டுள்ளார். அதில் “நான் நடிக்க இருக்கும் அடுத்தப் படம் என்னுடைய முழு ஆரோக்கத்திற்கு சவால் விடும் ஒரு கதாபாத்திரமாக இருக்கிறது. என்னுடைய பயிற்சியாளர் மற்றும் நல்ல நண்பரான புனித் என்னை மிக சிறப்பான முறையில் வழி நடத்துகிறார்.  ராஜஸ்தானில் படப்பிடிப்பை தொடங்கி இருக்கிறார். என்னுடைய இயக்குநருடன்  நானும் இணைய இருக்கிறேன்.’ என்று அவர் பதிவிட்டுள்ளார்.