மேலும் அறிய

51-st Kerala State Film Awards: 51-வது கேரள திரைப்பட விருதுகள்! - வெற்றி பெற்றவர்களின் முழு பட்டியல் இதோ!

இந்த ஆண்டு விருதுகள் குழுவின் தலைவராக சுஹாசினி மணிரத்னம் நியமிக்கப்பட்டுள்ளார்.

By : அபிநயா எஸ் அருள்குமார் | Updated at : 17 Oct 2021 12:46 PM (IST)

கேரள_திரைப்பட_விருதுகள்

கேரள அரசின் 51 வது திரைப்பட விருதுகள் குறித்து அறிவிப்பு நேற்று (சனிக்கிழமை) வெளியானது. கடந்த ஆண்டு கொரோனா பெருந்தொற்று காரணமாக இது குறித்த அறிவிப்பு வெளியாவதில் தாமதம் ஏற்பட்ட நிலையில் , தற்போது விருது பெற்ற கலைஞர்களின் விவரங்கள் வெளியிடப்பட்டுள்ளன. இந்த ஆண்டு விருதுகள் குழுவின் தலைவராக சுஹாசினி மணிரத்னம் நியமிக்கப்பட்டுள்ளார். கொரோனா அச்சுறுத்தலையும் தாண்டி கிட்டத்தட்ட 80 படங்கள் போட்டியில் கலந்துகொண்டன. கடந்த ஆண்டு 119 படங்கள் பங்கேற்றிருந்தது குறிப்பிடத்தக்கது.

51-st Kerala State Film Awards: 51-வது கேரள திரைப்பட விருதுகள்! - வெற்றி பெற்றவர்களின் முழு பட்டியல் இதோ!
விருது பெற்ற படங்கள் மற்றும் கலைஞர்களின் விவரங்கள் பின்வருமாறு:

சிறந்த படம் :

கடந்த ஆண்டு வெளியாகி பலரின் வாழ்க்கையில் திருப்புமுனையை ஏற்படுத்திய படம் ‘தி கிரேட் இந்தியன் கிச்சன் ‘ இந்த படத்தை ஜியோ பேபி இயக்கியிருந்தார். இவருக்கு சிறந்த திரைக்கதைக்கான விருதும் கிடைத்துள்ளது.

ரசிகர்களை மிகவும் கவர்ந்த படம் :

வெகுஜன மக்களை கவர்ந்த படம் என்ற அடிப்படையில் அய்யப்பனும் கோஷியும் தேர்வு செய்யப்பட்டுள்ளது. இதனை சச்சி இயக்கியுள்ளார்.

சிறந்த நடிகை:

கப்பேலா படத்தில் சிறப்பான நடிப்பை வெளிப்படித்தியமைக்காக அன்னா பென்னிற்கு, சிறந்த நடிகைக்கான விருது கிடைத்துள்ளது.
‘

சிறந்த நடிகர் :

வெள்ளம் படத்தில் நடித்தமைக்காக ஜெயசூர்யாவிற்கு சிறந்த நடிகருக்கான விருது கிடைத்துள்ளது.

சிறந்த குழந்தை நட்சத்திரம் :

நீரஞ்சன் எஸ் (கசிமிண்டே கடா)

சிறந்த இயக்குநர்:

என்னிவர் படத்திற்காக சித்தார்த் சிவாவிற்கு இந்த ஆண்டிற்கான சிறந்த இயக்குநர் விருது கிடைத்துள்ளது.

சிறந்த அறிமுக இயக்குநர்:

கப்பேலோ படத்தின் மூலம் பலரையும் கவர்ந்த முகம்மத் முஸ்தஃபாவிற்கு இந்த விருது கிடைத்துள்ளது.