உங்க பேவரைட் யாரு? - 2020ல் ரசிகர்களை கவர்ந்த டாப் 10 சின்னத்திரை நாயகிகள்!

ரசிகர்களுக்கு பிடித்தமான டாப்20 சின்னத்திரை பெண்கள் 2020 என்ற பட்டியலை வெளியிட்டுள்ளது டைம்ஸ் ஆஃப்  இந்தியாவின் சென்னை டைம்ஸ். சின்னத்திரையில் நீங்கள் ரசித்த பெண்களில் டாப் 10 லிஸ்டை நாம் பார்க்கலாம்.

சின்னத்திரை நடிகைகள்

1.ரம்யா பாண்டியன்:

ஜோக்கர் படம் மூலம் தமிழ் ரசிகர்களுக்கு அறியப்பட்ட ரம்யா பாண்டியம் மொட்டை மாடி போட்டோ ஷூட்டிற்கு பின் ரசிகர் கூட்டத்தை உருவாக்கிக் கொண்டார். பக்கத்து வீட்டு பெண்ணாகவே ரசிகர்கள் மனதில் குடிகொண்டுள்ள ரம்யா பாண்டியன் குக் வித் கோமாளி, பிக் பாஸ் நிகழ்ச்சிகள் மூலம் தொடர்ந்து ரசிகர்களுடன் இணைப்பிலேயே இருந்தார்.

2.ரோஷினி ஹரிபிரியன்:

குறும்படம், விளம்பர படங்களுக்கு டப்பிங் பேசி வந்த ரோஷினி, பாரதி கண்ணம்மாவாக ரசிகர்களுக்கு அறிமுகம் ஆனார். கர்ப்பிணியாக கண்ணம்மா நடந்த நடையை சோஷியல் மீடியா மீம்ஸாக்கி வைரலாக்கியது. படப்பிடிப்பில் பிசியாக இருப்பதால் இப்போதைக்கு காதலும் இல்லை, கல்யாணமும் இல்லை என்கிறார் கண்ணம்மா.

3. பவித்ராலெக்‌ஷ்மி:

 
சின்னத்திரை சமந்தாவாக இப்போது வலம் வருகிறார் பவித்ரா லெக்‌ஷ்மி.  உங்களில் யார் அடுத்த பிரபுதேவா, மானாட மயிலாட நிகழ்ச்சிகள் மூலம் அரங்கத்தை அதிர வைத்த பவித்ரா, பின்னர் குக் வித் கோமாளி மூலம் சின்னத்திரை சமந்தாவானார். இப்போது சினிமாவிலும் முகம் காட்டத்தொடங்கி இருக்கிறார்.

4.நட்சத்திரா நாகேஷ்

சின்னத்திரை தொகுப்பாளினியாகவும், திரைப்படங்களுக்கான மேடைத் தொகுப்பாளினியாகவும் அறியப்பட்ட நட்சத்திரா, நாயகி சீரியல் மூலம் தமிழ்க்குடும்பங்களுக்கு அறிமுகம் ஆகியுள்ளார். கடந்த வருடம் தொழிலதிபர் ஒருவருடன் இருவருக்கு திருமண நிச்சயம் ஆகியுள்ளது

5.ஆய்ஷா

சத்யா சீரியலில் சிங்கப்பெண்ணாக களம் கண்டவர் ஆய்ஷா.  அழகு, துடிப்பான நடிப்பு என ரசிகர் கூட்டத்தை உருவாக்கி வைத்துள்ளார். சத்யா சிங்கிளா என்றால், இந்த ரவுடி பேபி, ஒரு அமுல் பேபியை கண்டுபிடித்து விட்டதாக தகவல்.

6.ஷிவானி நாராயணன்

சீரியலில் அறிமுகம் என்றாலும் இன்ஸ்டா போட்டோக்கள் மூலமே பட்டித் தொட்டி எங்கும் பேசப்பட்டவர் ஷிவானி.  மாலை 5 மணி போட்டாவுக்காக இன்ஸ்டாவில் காத்துக்கிடந்த ரசிகர்களும் ஏராளம். பிக் பாஸ் மூலமும் ஷிவானிக்கு ரசிகர் கூட்டம் உண்டு.

7.ஆல்யா மானசா

ராஜா ராணி செம்பாவாக தமிழ் ரசிகர்களின் மனதில் குடியேறியவர் ஆல்யா. அந்த சீரியல் மட்டுமின்றி மற்றும் சில சீரியல்களிலும் முகத்தைக் காட்டினார். சீரியலில் நடித்த சஞ்சீவுடன் காதல் ஏற்பட்டு அவரையே திருமணம் செய்துகொண்ட ஆல்யாவுக்கு இப்போது ஆய்லா என்ற குழந்தையும் இருக்கிறது. க்யூட் குடும்பப்புகைப்படத்தை இன்ஸ்டாவில் பகிர்ந்து ரசிக்க வைக்கிறார் ஆல்யா.

8.திவ்யதர்ஷினி

சின்னத்திரையில் 20 வருடங்களுக்கு மேலாக கோலோச்சும் திவ்யதர்ஷினி பலரின் பேவரைட் ஆங்கர். தொகுப்பாளினி, நிகழ்ச்சி தொகுப்பாளர், சீரியல் நடிகை, திரைப்பட நடிகை, குறும்படம் என டிடி பயணிக்காத இடமே இல்லையென கூறலாம். 

9.கிகி

மிகவும் பிஸியான தொகுப்பாளினியான கிகி இப்போது ஸ்டார் வீட்டு மருமகள். சாந்தனு பாக்யராஜை திருமணம் செய்துகொண்ட கிகி சில ஓடிடி தொடர்களில் நடித்து வருகிறார்

10.சாந்தினி தமிழரசன்

கோலிவுட் நடிகையாக இருந்து இப்போது சின்னத்திரையில் வலம் வருகிறார் சாந்தினி. 2019ம் ஆண்டு தாழம்பூ சீரியல் மூலம் அறிமுகமான சாந்தினி ரெட்டை ரோஜா சீரியல் மூலம் சின்னத்திரையில் வலம் வருகிறார்.

---

---