Local Body Election 2022 | மதுரை : மாஸ்டர் பட பாணியில் ஓடிவந்து பேருந்தில் ஏறி  பிரச்சாரம் செய்த டூப்லிகேட் விஜய் !

பிரச்சாரத்தில் நகல் விஜய் வெற்றி பெற்றால் நாளை உங்கள் தொகுதியில் அசல் விஜய் வருவார் விஜய் ரசிகர்கள் உறுதி

விஜய் போல வேடமணிந்தவர்

எம்.ஜி.ஆர் - சிவாஜி, ரஜினி - கமல், என்ற சினிமா பிரபலங்களின் வரிசையில் விஜய் - அஜித் என்ற பெயர் நிலைத்து நிற்கிறது. இளைய தளபது என ரசிகர்களால் போற்றப்படும் நடிகர் விஜய் சினிமாவில் இருந்து அரசியல் நோக்கியும் மெல்ல, மெல்ல காலடி வைத்து வருகிறார். நடந்து முடிந்த உள்ளாட்சி தேர்தலில் விஜய் மக்கள் இயக்க தொண்டர்கள் பல இடங்களில் அதிக அளவில் வாக்குகல் பெற்றனர். சில இடங்களில் வெற்றியும் பெற்றனர்.  தற்போது நகர்புற உள்ளாட்சி தேர்தலிலும் பல இடங்களில் களம் காண்கின்றனர்.

மாஸ்டர் பட #விஜய் பாணியில் மதுரையில் பிரச்சாரம்

அனுப்பானடி வார்டில் விஜய் மக்கள் இயக்கம் சார்பில் போட்டியிடும் நாகேஸ்வரிக்கு பிரச்சாரம் செய்ய கேரளாவில் இருந்து நடிகர் @actorvijay போல தோற்றம் கொண்டவர் வரவழைப்பு

பேருந்தில், டீ கடையில் பல விதமாக வாக்கு சேகரிப்பு#Madurai #Vijay pic.twitter.com/59vDMFBC7g

— Vetri Dhaasan (@vetridhaasan) February 16, 2022

இந்நிலையில் மதுரையில் நகர்ப்புற உள்ளாட்சி தேர்தலில் விஜய் மக்கள் இயக்கத்தின் சார்பாக  88- வது வார்டில் போட்டியிடும் பெண் வேட்பாளர் நாகேஸ்வரி ஆதரித்து கேரளாவிலிருந்து நடிகர் விஜய் தோற்றத்தில் உள்ள நபரை அழைத்து வந்து விஜய் ரசிகர்கள் வார்டு முழுவதும் தீவிர பிரச்சாரத்தில் ஈடுபட்டனர்.

மேலும் செய்திகள் படிக்க கிளிக் செய்யவும் - Madurai corporation election 2022 | பாட்டிக்காக ஓட்டு கேட்டு சென்ற பேத்திகள் - உற்சாகப்படுத்திய வாக்காளர்கள்

பெண்கள் குழந்தைகள் முதியவர்கள் என அனைவரும் விஜய் தோற்றம் கொண்ட நபரை கண்டு வியந்து பார்த்தனர். சிலர் புகைப்படமும் எடுத்து  மகிழ்ந்து கொண்டனர். பின்பு பேருந்து நிலையத்தில் நின்று கொண்டிருந்த பேருந்தில் மாஸ்டர் படம் விஜய் பாணியில் ஓடிவந்து பேருந்தில் ஏறி உள்ளே இருக்கும் பயணிகளுக்கு துண்டு பிரசங்கத்தை வழங்கி வாக்குகள் சேகரித்தார். பின்பு அங்கு இருந்த தேனீர் கடையில் வாக்கு சேகரிக்கும் போது வடை சுட்டு வாக்குகளையும் சேகரித்தார். விஜய் போல தோற்றம் கொண்ட நபரை  காண அதிகமான மக்கள் கூடியதால் அப்பகுதி சிறிது நேரம் பரபரப்பாக காணப்பட்டது.

 

இதை படிக்க மிஸ் பண்ணாதீங்க பாஸ் - Madurai corporation election 2022 | “தூங்கா நகரத்தில் மனசாட்சி மட்டும் தூங்குகிறது” - மதுரையில் கமல் ஆதங்கம் !