Nissan Magnite Old vs New: நிசான் மேக்னைட் புதுசு Vs பழசு - எந்த கார் பெஸ்ட்? டிசைன் தொடங்கி விலை வரையிலான முழு ஒப்பீடு

Nissan Magnite Old vs New: நிசான் நிறுவனத்தின் பழைய மற்றும் புதிய ஃபேஸ்லிப்ட் செய்யப்பட்ட, மேக்னைட் கார் மாடலின் ஒப்பீட்டு விவரங்களை இந்த தொகுப்பில் அறியலாம்.

நிசான் மேக்னைட் புதுசு Vs பழசு

Source : nissan

Nissan Magnite Old vs New: நிசான் நிறுவனத்தின் பழைய மற்றும் புதிய ஃபேஸ்லிப்ட் மேக்னைட் காரின், ஒப்பீட்டு விவரங்கள் கீழே பட்டியலிடப்பட்டுள்ளன.

நிசான் மேக்னைட் புதுசு Vs பழசு 

2024 Nissan Magnite ஃபேஸ்லிஃப்ட் செய்யப்பட்டு நுட்பமான வடிவமைப்பு அப்டேட்கள் மற்றும் சில புதிய அம்சங்களைக் கொண்டு விற்பனைக்கு வந்துள்ளது. அதன் முந்தைய வெர்ஷனை விட, 2024 மேக்னைட் கூடுதலான ஸ்டேண்டர்ட் பாதுகாப்பு அம்சங்களை கொண்டுள்ளது. எனவே,  மேக்னைட் ஃபேஸ்லிஃப்ட் அதன் முன்னோடியுடன் ஒப்பிடும்போது எவ்வளவு வித்தியாசமாகத் தெரிகிறது என்பதை இங்கே அறியலாம்.

முன்பக்க ஒப்பீடு

மேலோட்டமாக பார்க்கும்போதே, மாற்றங்கள் நுட்பமானவை என்பதை உணர முடிகிறது.  2024 மேக்னைட் அதன் பழைய எடிஷனோடு இன்னும் நிறைய ஒற்றுமையைக் கொண்டுள்ளது. இருப்பினும், இது இப்போது பெரிய குரோம் சரவுண்ட்ஸ் மற்றும் மறுவடிவமைப்பு செய்யப்பட்ட முன்பக்க பம்பர் கொண்ட பெரிய கிரில்லைப் பெறுகிறது. ஃபாக் லைட்களும் மையத்தை நோக்கி சிறிது இடமாற்றம் செய்யப்பட்டுள்ளன.

பக்கவாட்டில் ஒப்பீடு:

புதிதாக வடிவமைக்கப்பட்ட 16-இன்ச் அலாய் வீல்களைத் தவிர, 2024 மேக்னைட் அதன் முந்தைய பதிப்பைப் போலவே தோற்றமளிக்கிறது. மேக்னைட்டின் இரண்டு எடிஷன்களும் குரோம் கதவு கைப்பிடிகள், பிளாக்-அவுட் OVRMகள் (வெளிப்புற ரியர்வியூ கண்ணாடிகள்), சில்வர்-ஃபினிஷ் செய்யப்பட்ட ரூஃப் ரெயில்ஸ் மற்றும் கதவுகளில் வெள்ளி உறைப்பூச்சு ஆகியவற்றைக் கொண்டுள்ளது. ஃபெண்டரின் மேல் பகுதியில் உள்ள 'மேக்னைட்' பேட்ஜின் நிலையும் மாறாமல் உள்ளது.

பின்புற ஒப்பீடு:

ஒட்டுமொத்தமாக, நிசான் மேக்னைட்டின் இரண்டு எடிஷன்களும் பின்புறத்திலிருந்து ஒரே மாதிரியாகத் தெரிகிறது, இருப்பினும் 2024 மேக்னைட்டின் டெயில் விளக்குகள் புதிய LED லைட்டிங் கூறுகளுடன் திருத்தப்பட்டுள்ளன. மேலும், இந்த டெயில் விளக்குகள் SUVயின் முந்தைய எடிஷனில் இருந்ததைப் போலல்லாமல், குரோம் ஸ்ட்ரிப் மூலம் இணைக்கப்பட்டுள்ளது. மீதமுள்ள வடிவமைப்பு சில்வர் ஸ்கிட் பிளேட்டுடன் கருப்பு பம்பருடன் உள்ளது.

உட்புற ஒப்பீடு:

பழைய எடிஷனில் உள்ள ஆல்-பிளாக் உட்புறங்களைப் போலல்லாமல், 2024 நிசான் மேக்னைட் டூயல்-டோன் ஆரஞ்சு மற்றும் கருப்பு கேபின் தீம் உடன் வருகிறது. நிசான் எஸ்யூவியின் பழைய மற்றும் புதிய எடிஷன்களில் டேஷ்போர்ட் ஒரே மாதிரியாகவே உள்ளது. 2024 மேக்னைட்டிற்கான ஸ்டீயரிங் வீல், கியர் லீவர், டாஷ்போர்ட் எலிமெண்ட்கள், கதவுகள் மற்றும் பார்க்கிங் பிரேக் லீவர் டிப் ஆகியவற்றிலும் நிசான் லெதரெட் பொருட்களை அதிக அளவில் பயன்படுத்தியுள்ளது.

2024 மேக்னைட் ஆரஞ்சு நிற தையல்களுடன் கருப்பு நிற லெதரெட் இருக்கைகளை கொண்டுள்ளது. பழைய மேக்னைட் செமி-லெதரெட் இருக்கை அப்ஹோல்ஸ்டரியைப் பெற்றுள்ளது. அம்சங்களைப் பொறுத்தவரை, 2024 மேக்னைட் 8 அங்குல தொடுதிரை, 7 இன்ச் டிரைவர் டிஸ்ப்ளே மற்றும் வயர்லெஸ் ஃபோன் சார்ஜர் ஆகியவற்றைப் பெறுகிறது. இது கூடுதலாக ஆட்டோ டிம்மிங் IRVM, 4-வண்ண சுற்றுப்புற விளக்குகள் மற்றும் ரிமோட் இன்ஜின் ஸ்டார்ட் ஆகியவற்றைப் பெறுகிறது. புதிய மேக்னைட் இப்போது 6 ஏர்பேக்குகளை ஸ்டேண்டர்டாக வழங்குவதால் பாதுகாப்பும் மேம்படுத்தப்பட்டுள்ளது. மேக்னைட்டின் முந்தைய எடிஷனில் 360 டிகிரி கேமரா ஏற்கனவே வழங்கப்பட்டது.

பவர்டிரெய்ன் & விலை விவரங்கள்:

நிசான் மேக்னைட் ஃபேஸ்லிஃப்ட் முன்பு இருந்த அதே பவர்டிரெய்ன் விருப்பங்களுடன் வழங்குகிறது. 2024 நிசான் மேக்னைட்டின் விலை ரூ. 5.99 லட்சம் முதல் ரூ. 11.50 லட்சம் வரை (அறிமுகம், எக்ஸ்-ஷோரூம் பான்-இந்தியா) நிர்ணயிக்கப்பட்டுள்ளது. இது Renault Kiger , Tata Nexon , Maruti Brezza , Mahindra XUV 3XO மற்றும் ஹூண்டாய் வென்யூ போன்றவற்றுடன் சந்தையில் போட்டியிடுகிறது.