MG Astor SUV: சூரியனைப் போன்ற முகப்பு.. புதிய தொழில்நுட்பம்.. செப்டம்பர் 15ல் MG Astor SUV அறிமுகம்!
வரும் செப்டம்பர் 15 அன்று, பிரிட்டிஷ் தயாரிப்பாளர்களால் உற்பத்தி செய்யப்படும் MG SUV கார் இந்தியாவில் அறிமுகம் செய்யப்படுகிறது. எப்படி இருக்கப் போகிறது MG Astor SUV?
இறுதியாக அது நடக்கப் போகிறது! ஆம், இந்தியாவில் MG Astor கார் எப்போது வெளிவரும் எனக் கார் ஆர்வலர்களிடையே இருந்து ஆர்வத்திற்கான பதில் கிடைத்திருக்கிறது. வரும் செப்டம்பர் 15 அன்று, பிரிட்டிஷ் தயாரிப்பாளர்களால் உற்பத்தி செய்யப்படும் MG SUV கார் இந்தியாவில் அறிமுகம் செய்யப்படுகிறது. எனினும், இதன் விலையை அறிமுக நாளிலேயே அறிவிப்பார்களா என்பது சந்தேகம். எனினும் இந்தக் காரின் விற்பனை குறித்தோ, வெளியீட்டு நாள் குறித்தோ எந்த அறிவிப்பும் வரவில்லை. MG Motor India நிறுவனம் ஏற்கனவே இந்த Astor SUV குறித்த ஆர்வத்தை கார் ஆர்வலர்களிடம் விதைத்து வந்தது. எப்படி இருக்கப் போகிறது MG Astor SUV?
MG Motor India ஏற்கனவே MG Astor SUV காரின் டெக்னாலஜி அம்சங்கள் குறித்த விவரங்களை வெளியிட்டது. இதில் SAE level 2 தானியங்கி ட்ரைவிங் அம்சம், AI தொழில்நுட்பம் மூலம் இயங்கும் பெர்சனல் அசிஸ்டண்ட், மேப், பொழுதுபோக்கு, பார்க்கிங், உணவு டெலிவரி முதலான பிற தேவைகளுக்காக AI தொழில்நுட்பம் மூலம் இயங்கும் i-Smart Hub வசதி, Apple CarPlay, Android Auto ஆகிய தொழில்நுட்பங்கள் பிரதானமாக இடம்பெற்றிருக்கின்றன.
இந்தக் காரின் முழு வடிவம் குறித்த அறிவிப்பு இன்னும் வெளியாகாமல் இருக்கும் நிலையில், இதன் முன்புறம் எப்படி இருக்கப் போகிறது என்ற தகவல்கள் கிடைத்துள்ளன. இந்தக் காரின் முகப்பு `cosmic lines and forms’ என்ற கலை வடிவத்தின் அடிப்படையில் இருப்பதோடு, இதில் டங்க்ஸ்டன் உலோகம் பொருத்தப்பட்டு, அது சூரியனைப் போல காட்சிப்படுத்தப்படும்.
Astor காரின் என்ஜின் குறித்தோ, பிற பாகங்களைக் குறித்தோ MG Motor India இன்னும் அறிவிக்கவில்லை. எனினும், இந்தக் காரில் 2 வகையான பெட்ரோல் என்ஜின்களின் அடிப்படையில் விற்பனைக்கு வரும் எனத் தெரிகிறது. முதலாவது, 118 bhp, 150 Nm என்ற ஆற்றலைக் கொண்ட 1.5 லிட்டர் என்ஜின்; 161 bhp, 230 Nm என்ற ஆற்றலைக் கொண்ட 1.3 லிட்டர் என்ஜின். இந்த இரண்டாவது என்ஜின் டர்போ சார்ஜ் செய்யப்பட்டு, கூடுதல் அம்சத்தோடு வெளியாகிறது. மேலும், இந்தக் காரில் MG நிறுவனம் ஆட்டோமேடிக், மேனுவல் ஆகிய இரு வகையிலான கியர்பாக்ஸ்களையும் வெளியிடும் எனவும் தெரிகிறது.
இது Hyundai Creta, Kia Seltos, Skoda Kushaq, Volkswagen Taigun ஆகிய கார்களுக்குப் போட்டியாக களமிறங்கவுள்ளதாக கார் ஆர்வலர்கள் தெரிவிக்கின்றனர். இந்தியாவில் MG நிறுவனத்தின் நான்காவது தயாரிப்பாக இந்தக் கார் அறிமுகம் செய்யப்படவுள்ளது.
தலைப்பு செய்திகள்
ட்ரெண்டிங் செய்திகள்
