Fahadh Faasil ADHD | ”41 வயசுல கண்டுபிடிச்சோம்” ஃபகத்-க்கு ADHD பாதிப்பு! குணப்படுத்த முடியுமா?

நடிகர் பகத் பாசில் மூளையின் கட்டுப்பாட்டோடு தொடர்புடைய ADHD நோயால் பாதிக்கப்பட்டுள்ளதாக தகவல் வெளியாகியுள்ளது ரசிகர்களுக்கு அதிர்ச்சியை கொடுத்துள்ளது. 

தமிழ், மற்றும் மலையாள சினிமாவில் கொடிகட்டி பறந்து வருபவர் நடிகர் ஃபகத் பாசில். விக்ரம் படத்தில் தனது மிரட்டலான இயல்பான நடிப்பால் பலரையும் வியக்க வைத்தார். ஆவேஷம் படத்தில் ரங்கா கதாப்பாத்திரத்தில் பட்டையை கிளப்பி இருப்பார். சமீபத்தில் நிகழ்ச்சி ஒன்றில் கலந்து கொண்ட ஃபகத் பாசில், தனக்கு ADHD பாதிப்பு இருப்பதாக 41 வயதில்தான் கண்டுபிடித்ததாக கூறியுள்ளார்.

ADHD என்பதன் விரிவாக்கம் Attention deficit/hyperactivity disorder. இது மூளை கட்டுப்பாட்டோட தொடர்புடைய ஒரு பிரச்னை. இந்த நரம்பியல் மாற்றத்திற்கு உள்ளானவர்களால் ஒரே விஷயத்தில் அதிக நேரம் கவனம் செலுத்த முடியாது. எளிதில் திசைத்திரும்பக் கூடிய தன்மையுடையவர்களாக இருப்பார்கள். இவர்களுக்கு ஹைப்பர் ஆக்டிவிட்டி அதிகமாக இருக்கும். மேலும் இவர்களுக்கு Self control-ம் குறைவாக இருக்கும். 

இதுபோன பிரச்னைகளே வைத்து ADHD குறைபாடு இருப்பதை கண்டுபிடிக்க முடியும். பெரும்பாலும் சிறிய வயதிலேயே இந்த நோயால் பாதிக்கப்படுவார்கள். மருத்துவத்தில் இதற்கான முழுமையான தீர்வு என்று எதுவும் இல்லை. ஆனால் மருந்துகள், பிசியோதெரபி, ட்ரெய்னிங் மூலம் மூளையின் செயல்பாட்டை கட்டுப்படுத்தலாம். 

ஆனால் ஃபகத் பாசிலுக்கு 41 வயதில் இந்த நோய் கண்டறியப்பட்டுள்ளதால் அதனை குணப்படுத்துவதில் சிக்கல் உள்ளது. இதுதொடர்பாக பேசிய பகத் பாசில், சிறு வயதிலேயே இதைக் கண்டறிந்தால் எளிதில் குணப்படுத்த முடியும் என்று மருத்துவர் சொன்னதாக கூறியுள்ளார். இந்த தகவல் ஃபகத் பாசில் ரசிகர்களை சோகத்தில் ஆழ்த்தியுள்ளது.

28 முறை ஒலிம்பிக்ஸின் பதக்கம் வென்ற மைக் ஃபெல்ப்ஸ், ஹாலிவுட் நடிகர் வில் ஸ்மித் , ஸ்டீஃபன் ஹாக்கின்ஸ் உள்ளிட்டவர்கள் ADHD நோயால் பாதிக்கப்பட்டவர்கள்.