Xiaomi MI Watch Launch | சியோமி ஸ்மார்ட் வாட்ச்; இந்தியாவில் விரைவில் அறிமுகம்
சியோமி நிறுவனம் தனது புதிய ஸ்மார்ட் வாட்ச் ஒன்றை விரைவில் இந்தியாவில் அறிமுகம் செய்யவுள்ளது.
இந்தியாவில் தனக்கென தனி மார்கெட்டை வைத்திருக்கும் சியோமி நிறுவனம், சீரான இடைவெளியில் பல்வேறு மாடல் போன்களை இந்தியாவில் களமிறக்கி வருகிறது. அதன்படி, Mi 11 Lite 4G மாடல் இந்தியாவில் விரைவில் வெளியாகலாம் என எதிர்பார்க்கப்பட்டது. இது தொடர்பாக அப்போது 'சியோமி இந்தியா'வின் விற்பனைப்பிரிவு அதிகாரி ஒருவர் தனது ட்விட்டர் பக்கத்தில் தகவலை பதிவிட்டார். ஆனால் புதிய மாடலின் ரிலீஸ் தேதி, போன் மாடலின் பெயர் என எதையுமே அவர் வெளியிடவில்லை. அதன் பிறகு ரசிகர்களின் ஆர்வத்தால் அந்த புதிய போன் Mi 11 Lite 4G என்றும் இம்மாதம் 22ம் தேதி அது வெளியாகும் என்றும் அதிகாரப்பூர்வ அறிவிப்புகள் வந்தன.
Welcome, to the era of choosing health over everything.
— Mi India (@XiaomiIndia) June 14, 2021
To living mindfully and consciously
To happier minds and healthier bodies
To always getting more from life
Welcome, to #WatchfulLiving with #MiWatchRevolveActive - https://t.co/bYDZ1dwDCb
Coming soon! pic.twitter.com/62beTWCGtH
இந்நிலையில் ஜூன் 22ம் தேதி Mi 11 Lite 4G போனுடன் சேர்ந்து தனது அடுத்த படைப்பையும் வெளியிட உள்ளது சியோமி நிறுவனம். ஆம் அது தான் புதிய Xiaomi Mi Watch Revolve Active. பல மாதங்களாக எம்ஐ வாடிக்கையாளர்களால் பெரிதும் எதிர்பார்க்கப்பட்ட அந்த ஸ்மார்ட் வாட்ச் தற்போது விற்பனைக்கு வரவுள்ளது. Mi நிறுவனம் இந்த ஸ்மார்ட் வாட்ச் தொடர்பான தகவல்களை தற்போது வெளியிட்டுள்ளது.
Mi வாட்ச் ரிவால்வ் ஆக்டிவின் சில முக்கிய அம்சங்கள்
இந்த ஸ்மார்ட் வாட்ச் இரத்த ஆக்ஸிஜன் செறிவு கண்காணிப்பு மற்றும் SpO2 மானிட்டருடன் வடிவமைக்கப்பட்டுள்ளது. அமேசான் அலெக்சா ஒருங்கிணைப்பைக் கொண்ட இந்த ஸ்மார்ட் வாட்ச் கூடுதலாக அழைப்பு மற்றும் அப்ளிகேஷன்ஸ் குறித்த அறிவிப்புகளை வழங்கும் திறன் கொண்டதாக இருக்கும். பிரத்தியேகமாக உடற்பயிற்சியை மையப்படுத்தி தயாரிக்கப்பட்ட இந்த ஸ்மார்ட் வாட்சில் ஜி.பி.எஸ் பொருத்தப்பட்டுள்ளது. மேலும் உடல் ஆற்றல் மற்றும் இதய துடிப்பு மானிட்டரிங் போன்ற அம்சங்கள் இடம்பெற்றுள்ளது.
Airtel 5G | இந்த வீடியோவை பார்த்தால் உங்களுக்கே புரியும்.. அசரடிக்கும் 'ஏர்டெல் 5ஜி'யின் அதிவேகம்..!
வாட்டர் ரெசிஸ்டன்ஸ் மற்றும் 2 வார பேட்டரி லைப் கொண்ட இந்த ஸ்மார்ட் வாட்ச், வரும் ஜூன் மாதம் 22ம் தேதி மதியம் 12 மணி முதல் அமேசான் மூலம் விற்பனைக்கு வரும் என்று சியோமி நிறுவனம் தெரிவித்துள்ளது. சியோமி நிறுவனம் ஒரே நாளில் தனது இரண்டு புதிய படைப்புகளை வெளியிட உள்ளது பெரும் எதிர்பார்ப்பை ஏற்படுத்தியுள்ளது.
தலைப்பு செய்திகள்
ட்ரெண்டிங் செய்திகள்
