Korean Open Badminton: சாதனைகளை தகர்த்து எறிந்து வரும் இந்திய இணை..கொரியன் ஓபன் சாம்பியன்ஷிப் பட்டத்தை கைப்பற்றியது சிராக் - சாத்விக் ஜோடி!

Korean Open Badminton: கொரியா ஓபன் பேட்மிண்டன் தொடரில் இரட்டையர் பிரிவின் இறுதிப் போட்டிக்கு வெற்றி பெற்று புதிய சாதனையை படைத்துள்ளது இந்தியாவின் சாத்விக் - சிராக் இணை.

சாத்விக் - சிராக்

கொரியாவின் யோசு நகரில் கொரியா ஓபன் பேட்மிண்டன் தொடர் நடைபெற்று வருகிறது.

இப்போட்டியின் ஆடவர் இரட்டையர் பிரிவின் இறுதிப்போட்டி இன்று நடைபெற்றது.

இப்போட்டியில் இந்தியாவின் சாத்விக் -சிராக் இணை மற்றும் இந்தோனேசியாவின் ஃபஜர் அல்ஃபியன் - முஹம்மது ரியான் ஆர்டியன்டோ இணையும் மோதியது.

சுவாரஸ்யமாக நடைபெற்ற இப்போட்டியில் 17-21, 21-13, 21-14 என்ற செட்கள் கணக்கில் இந்திய இணை வெற்றி பெற்றது.

உலகின் நம்பர் 1 வீரர்களான ஃபஜர் அல்ஃபியன் - முஹம்மது ரியான் ஆர்டியன்டோ இணையை இந்தியாவின் சாத்விக் - சிராக் இணை வென்றுள்ளது இந்திய ரசிகர்களை இன்ப கடலில் தள்ளியுள்ளது.

மேலும் இதற்கு முன்னதாக சாத்விக் - சிராக் ஜோடி ஸ்விஸ் ஓபன் மற்றும் இந்தோனேசிய ஓபன் டைட்டிலும் வென்றிருந்தது குறிப்பிடத்தக்கது.