ICC T20 Rankings: 6 ஆண்டுகளுக்குப் பிறகு சர்வதேச டி20 வரிசையில் இந்தியாவுக்கு முதல் இடம்...! சாம்பியன் க்ளிக்ஸ்

இந்திய கிரிக்கெட் அணி

இந்தியா மற்றும் வெஸ்ட் இண்டீஸ் அணிகள் மோதிய கடைசி டி20 கிரிக்கெட் போட்டி கொல்கத்தாவின் ஈடன் கார்டன் மைதானத்தில் நடைபெற்றது.

இந்த போட்டியில் முதலில் பேட் செய்த இந்திய அணி சூர்யகுமார் அதிரடி அரைசதம், வெங்கடேஷ் அய்யர் அதிரடியால் 20 ஓவர்கள் முடிவில் 4 விக்கெட் இழப்பிற்கு 184 ரன்கள் எடுத்தது.

தொடர்ந்து இலக்கை நோக்கி ஆடிய வெஸ்ட் இண்டீஸ் வீரர்கள் ஆட்டத்தை அதிரடியாகவே தொடங்கினர்.

இறுதியில் வெஸ்ட் இண்டீஸ் அணி 20 ஓவர்களில் 9 விக்கெட் இழப்பிற்கு 167 ரன்கள் மட்டுமே எடுத்தது. இந்திய அணியில் ஹர்ஷல் படேல் 3 விக்கெட்டுகளையும், ஷர்துல் தாக்கூர்ல வெங்கடேஷ் அய்யர், தீபக் சாஹர் தலா 2 விக்கெட்டுகளையும் கைப்பற்றினர்.

இந்த வெற்றி மூலம் இந்திய அணி டி20 தொடரை 3-0 என்ற கணக்கில் வென்று அசத்தியுள்ளது. ரோகித்சர்மா இந்தியாவின் முழுநேர ஒருநாள் மற்றும் டி20 கேப்டனாக பொறுப்பேற்ற முதல் தொடரிலே இரு தொடரிலும் எதிரணியை ஒயிட்வாஷ் ஆக்கி வெற்றி பெற்றுள்ளார் என்பது குறிப்பிடத்தக்கது.

இந்த வெற்றியால் சர்வதேச டி20 கிரிக்கெட் வரிசையில், இந்திய அணி முதல் இடத்தை பிடித்துள்ளது