Meg Lanning Retirement: 5 முறை சாம்பியன்.. அதிக சதங்கள்.. ஓய்வை அறிவித்தார் மெக் லானிங்..!

Meg Lanning Retirement: ஆஸ்திரேலியா மகளிர் கிரிக்கெட் அணியின் கேப்டன் மெக் லானிங் இன்று ஓய்வு பெற்ற நிலையில் அவரது சர்வதேச கிரிக்கெட் வாழ்க்கையை பற்றி இங்கே பார்க்கலாம்.

மெக் லானிங் ஓய்வு ( Image Source : ICC )

ஆஸ்திரேலிய மகளிர் அணியின் கேப்டன் மெக் லானிங் திடீரென சர்வதேச கிரிக்கெட்டில் இருந்து ஓய்வு பெறுவதாக அறிவித்துள்ளார். அவருக்கு தற்போது 31 வயதே ஆகிறது.

13 வருட கிரிக்கெட் வாழ்க்கையில் ஆஸ்திரேலியாவுக்காக 241 போட்டிகளில் விளையாடியுள்ள லானிங், சர்வதேச கிரிக்கெட்டில் இருந்து விடைபெற இதுவே சரியான நேரம் என்று தெரிவித்துள்ளார்.

ஆஸ்திரேலியாவுக்காக 241 போட்டிகளில் விளையாடியுள்ள லானிங், 182 போட்டிகளில் கேப்டனாக செயல்பட்டுள்ளார். அவர் தனது டெஸ்ட் வாழ்க்கையில் 31.36 என்ற சராசரியில் 345 ரன்களையும், அவரது ஒருநாள் கிரிக்கெட் வாழ்க்கையில் 53.51 சராசரியுடன் 4,602 ரன்களையும், டி20 கிரிக்கெட் வாழ்க்கையில் 36.61 சராசரியுடன் 3,405 ரன்களையும் எடுத்துள்ளார்.

கடந்த ஆண்டு பிப்ரவரி மாதம் தென்னாப்பிரிக்காவில் நடந்த டி20 உலகக் கோப்பை கோப்பையை வென்ற ஆஸ்திரேலிய மகளிர் கிரிக்கெட் அணியின் கேப்டன் மெக் சர்வதேச கிரிக்கெட்டில் விளையாடவில்லை.

உடல்நிலை காரணமாக மெக் லானிங் தொடர்ந்து, இந்த ஆண்டு இங்கிலாந்து, அயர்லாந்து மற்றும் வெஸ்ட் இண்டீஸ் அணிகளுக்கு எதிரான தொடரில் விளையாடவில்லை.

மெக் லானிங் தற்போது மகளிர் பிக் பாஷ் லீக்கில் (WBBL) மெல்போர்ன் ஸ்டார்ஸ் அணிக்கு கேப்டனாக உள்ளார், மேலும் உள்நாட்டு கிரிக்கெட்டில் விளையாட தயாராக இருக்கிறார்.