CWC 2023 Records : தொடரும் இந்திய அணி வீரர்களின் சாதனை.. 5 வீரர்கள் அரைசதம்!

CWC 2023 Records : கடந்த ஞாயிற்றுக்கிழமை அன்று நடந்த கடைசி லீக் போட்டியில் நெதர்லாந்து அணிக்கு எதிராக விளையாடிய இந்திய அணி சாதனை படைத்தது.

இந்திய அணியின் கிரிக்கெட் வீரர்கள்

13வது உலகக்கோப்பை தொடர் இந்தியாவில் நடைபெற்று வருகிறது. லீக் போட்டிகள் நிறைவடைந்து அரை இறுதிக்கு தகுதி பெற்ற அணிகள் தீவிரமாக பயிற்சியில் ஈடுபட்டு வருகின்றன.

கடந்த ஞாயிற்றுக்கிழமை அன்று நடந்த கடைசி லீக் போட்டியில் இந்தியா மற்றும் நெதர்லாந்து அணிகள் மோதின. இதில் டாஸ் வென்ற இந்திய அணி பேட்டிங்கை தேர்வு செய்தது.

தொடக்க வீரர்களாக களமிறங்கிய சுப்மன் கில் மற்றும் இந்திய அணியின் கேப்டன் ரோஹித் சர்மா தொடக்கம் முதலே அதிரடியாக விளையாடி ரன்களை சேர்த்தனர்.

சுப்மன் கில் 32 பந்துகளில் 51 ரன்களும் கேப்டன் ரோஹித் ஷர்மா 54 பந்துகளில் 61 ரன்களும் அடுத்து களமிறங்கிய விராட் கோலி 56 பந்துகளில் 51 ரன்களும் , ஷ்ரேயஸ் அய்யர் 94 பந்துகளில் 128 ரன்களும் கே.எல். ராகுல் 62 பந்துகளில் 102 ரன்களும் எடுத்திருந்தனர்.

ஒரு அணியில் டாப் 5 பேட்ஸ்மேன் அரைசதம் அடித்திருப்பது இது முதல் முறையாகும்.

இந்த சாதனை மூலம் இந்திய அணி வரலாற்று சாதனையை படைத்துள்ளது.