Vegetable Pancake : சத்தான வெஜிடபிள் பான் கேக் செய்வது எப்படி?

Vegetable Pancake: குழந்தைகளுக்கு மாலை நேரத்தில் இந்த மாதிரி வெஜிடபிள் பான் கேக் செய்து கொடுங்க.

வெஜிடபிள் பான்கேக்

தேவையான பொருட்கள்: கோதுமை மாவு - 250 மிகி, பொட்டுகடலை - 1/2 கப் , வெங்காயம் - 1 நறுக்கியது, பூண்டு - 5 பற்கள் நறுக்கியது, பச்சை மிளகாய் - 3 நறுக்கியது, முட்டை கோஸ் - 1 கிண்ணம் துருவியது, கேரட் - 2 துருவியது, உப்பு - 1 தேக்கரண்டி, மிளகு தூள் - 1 தேக்கரண்டி, சீரக தூள் - 1 தேக்கரண்டி, காஷ்மீரி மிளகாய் தூள் - 1 தேக்கரண்டி, கொத்தமல்லி இலை, எண்ணெய்.

செய்முறை: கடாயில் எண்ணெய் ஊற்றி சூடானதும் நறுக்கிய வெங்காயம், பூண்டு, சேர்த்து வதக்கவும். அதன் பிறகு பச்சை மிளகாய், துருவிய முட்டை கோஸ், கேரட் சேர்த்து வதக்கவும்.

அடுத்தது உப்பு, மிளகு தூள், சீரக தூள், காஷ்மீரி மிளகாய் தூள் கிளரவிடவும். அதன் பிறகு தண்ணீர் ஊற்றி கடாயை மூடி வைத்து மிதமான தீயில் 5 நிமிடம் வேகவிடவும்.

அடுத்தது மற்றொரு பாத்திரத்திற்கு மாற்றி ஆறவிடவும். அதன்பிறகு கொத்தமல்லி இலை, கோதுமை மாவு, பொட்டு கடலையை மாவாக அரைத்து சேர்த்து அனைத்தையும் நன்கு பிசைந்து கொள்ளவும்.

அடுத்தது மசாலாவில் சிறிது சிறிதாக தண்ணீர் ஊற்றி பஜ்ஜி மாவு பதத்திற்கு பிசைந்துகொள்ளவும்.

அடுத்தது தோசைக் கல்லில் எண்ணெய் ஊற்றி சூடானதும் தயார் செய்த மாவை வட்டமாக ஊற்றி இரு பக்கமும் 3 நிமிடம் பொன்னிறமாக வேகவைத்து எடுத்தால் சுவையான வெஜிடபிள் பான் கேக் தயார்