மேலும் அறிய

Dry Fruits Halwa : உலர் பழங்களில் சத்தான அல்வா.. இதை எப்படி செய்வது?

Dry Fruits Halwa Recipe : சத்துமிக்க சுவையான உலர் பழ அல்வாவின் செய்முறை விளக்கத்தை காணலாம்.

By : அனுஷ் ச | Updated at : 16 May 2024 03:00 PM (IST)

உலர் பழ அல்வா

1/6

தேவையான பொருட்கள்: பேரிச்சம்பழம் - 1 கப், பாதாம் - 1/4 கப், வால்நட் - 1/4 கப், முந்திரி - 1/4 கப், பிஸ்தா - 1/4 கப், உலர் திராட்சை - 1 மேசைக்கரண்டி, சாரப்பருப்பு - 1 தேக்கரண்டி, முலாம்பழ விதைகள் - 2 தேக்கரண்டி, நெய், ஏலக்காய் தூள், சர்க்கரை - 1/2 கப், தண்ணீர் - 1/2 கப்

2/6

செய்முறை : ஒரு பாத்திரத்தில் தண்ணீரை சுடவைத்து எடுத்துக் கொள்ளவும். அதில் கொட்டை எடுத்த பேரீச்சம்பழத்தை சேர்த்து பதினைந்து நிமிடம் ஊற வைக்கவும்.

3/6

தண்ணீர் ஊற்றி அதில் சர்க்கரை சேர்த்து பாகாக மாறும் வரை காய்ச்சி எடுத்துக்கொள்ளவும். அடுத்தது ஒரு கடாயில் நெய் ஊற்றி சூடாக்கி கொள்ளவும்.

4/6

நெய் காய்ந்ததும் அதில் பாதாம், வால்நட்ஸ், முந்திரி மற்றும் பிஸ்தா சேர்த்து நன்கு வறுத்து எடுத்துக் கொள்ளவும். அதே கடாயில் நெய் சேர்த்து அதில் உலர் திராட்சை, சாரப்பருப்பு, முலாம்பழ விதைகள் சேர்த்து வறுத்து எடுத்துக் கொள்ளவும்.

5/6

அடுத்தது ஊறவைத்த பேரிச்சம் பழத்தையும், வறுத்த பருப்புகளையும் தனித்தனியாக அரைத்து கொள்ளவும். அடுத்து கடாயில் நெய் சேர்த்து அரைத்த பேரிச்சம்பழம், சர்க்கரை பாகு, அரைத்த பருப்புகளையும் சேர்த்து நன்கு கிளறி விடவும்.

6/6

இதில் ஏலக்காய் தூள் மற்றும் நெய் சேர்த்து ஹல்வா பதத்திற்கு வரும் வரை கிளறவும். ஒரு பாத்திரத்தில் நெய் தடவி ஹல்வாவை இறக்கி அதன் மேல் வறுத்த பருப்புகளை தூவி பரிமாறலாம்.

Published at : 16 May 2024 03:00 PM (IST)

Tags :

Sweets Recipes