SK 21 : வரிசையாக படங்கள் நடித்து வரும் சிவா அடுத்து யாருடன் இணைந்தார் என்று தெரியுமா?

மாவீரன், அயலான் வரிசையில் சிவா நடிக்கும் அடுத்த படத்தின் ஷூட்டிங் ஸ்ரீநகரில் நடந்து வருகிறது.

எஸ்.கே 21வின் பூஜை விழா

நடிகர் சிவகார்த்திகேயன் நடிப்பில் இறுதியாக வெளியான ’ப்ரின்ஸ்’ திரைப்படம் பெரும் தோல்வியைத் தழுவியது.

இந்நிலையில், சிவகார்த்தியேன் தன் 21ஆவது படத்துக்காக நடிகர் கமல்ஹாசனின் ராஜ்கமல் ஃபில்ம்ஸ் நிறுவனத்துடன் கைக்கோர்த்த தகவல் முன்னதாக வெளியானது.

சிவகார்த்தியேனின் 21ஆவது படமாக உருவாகும் இந்தப் படத்தை ராஜ்குமார் பெரியசாமி இயக்குகிறார். சாய் பல்லவி இந்தப் படத்தில் ஹீரோயினாக நடிக்கிறார்.

ஜி.வி.பிரகாஷ்குமார் இந்தப் படத்துக்கு இசையமைக்க உள்ளார்.

சிவகார்த்திகேயன் - ராஜ் கமல் ப்ரொடக்‌ஷன்ஸ் இணையும் திரைப்படத்தின் பூஜை வீடியோ இன்று இணையத்தில் வெளியாகியுள்ளது.

மாவீரன் படம், ஆகஸ்ட் 11 ஆம் தேதி வெளியாகும் என்று கூறப்பட்ட நிலையில், ஜூன் மாதமே இப்படம் ரிலீஸாகும் என தகவல் பரவிவருகிறது.