SK21 Netflix : நெட்ஃபிளிக்ஸ் பண்டிகை லிஸ்டில் சேர்ந்த SK21... இப்போவே புக்கிங் பண்ணியாச்சு!

SK21 in Netflix : சிவகார்த்திகேயன் - சாய் பல்லவி நடிக்கும் SK21 படத்தின் டிஜிட்டல் உரிமையை கைப்பற்றியுள்ளது நெட்ஃபிளிக்ஸ்.

சிவகார்த்திகேயன் - சாய் பல்லவி

பொங்கல் ரிலீஸாக சிவகார்த்திகேயன் நடிப்பில் ஜனவரி 12ம் தேதி வெளியான திரைப்படம் 'அயலான்'. மாபெரும் வெற்றியை பெற்ற இப்படம்  50 கோடியையும் தாண்டி வசூல் செய்துள்ளது.

அயலான் வெற்றியை தொடர்ந்து ராஜ்குமார் பெரியசாமி இயக்கத்தில் நடிகர் சிவகார்த்திகேயன் நடிக்கும் திரைப்படம் SK21.

ராஜ் கமல் பிலிம்ஸ் இன்டர்நேஷனல் பேனரின் கீழ் கமல்ஹாசன், ஆர். மகேந்திரன் மற்றும் சோனி பிக்சர்ஸ் இன்டர்நெஷனல் புரொடக்ஷன்ஸ் இணைந்து இப்படத்தை தயாரிக்கிறார்கள்.

SK21 படத்தில் சிவகார்த்திகேயன் ஜோடியாக நடிகை சாய் பல்லவி நடிக்க ஜி.வி. பிரகாஷ் இசையமைக்கவுள்ளார்.

SK21 திரைப்படம் திரையரங்க ரிலீசுக்கு பின்னர் டிஜிட்டல் தளத்தில் வெளியிடும் உரிமையை கைப்பற்றியுள்ளது நெட்ஃபிளிக்ஸ்.

SK21 திரைப்படம் இந்த ஆண்டு ஆகஸ்ட் மாதம் வெளியாகும் என எதிர்பார்க்கப்படுகிறது.