HBD Simbu : மன்மதன்.. வல்லவன்.. இளமை மாறாத நடிகர் சிம்புவின் பிறந்தநாள் இன்று!

HBD Simbu : 41 வது பிறந்தநாளை காணும் நடிகர் சிம்புவுக்கு ரசிகர்களும் திரைத்துறையினரும் வாழ்த்து தெரிவித்து வருகின்றனர்.

சிம்பு எனும் சிலம்பரசன்

பன்முக கலைஞர் டி.ராஜேந்தரின் மகனான சிலம்பரசன் 1984 ஆம் ஆண்டு உறவை காத்த கிளி எனும் படத்தின் மூலம் தமிழ் சினிமாவில் குழந்தை நட்சத்திரமாக அறிமுகமாகி எக்கசக்கமான படங்களில் நடித்தார்.

2002 ஆம் ஆண்டு காதல் அழிவதில்லை படத்தின் மூலமாக ஹீரோவாக அறிமுகமானார். அதனை தொடர்ந்து, கோவில், குத்து, மன்மதன், சரவணா, சிலம்பாட்டம், விண்ணை தாண்டி வருவாயா, வானம், ஒஸ்தி, போட போடி ஆகிய படங்களில் நடித்தார்.

ஒரு காலகட்டத்தின் பிறகு, இவர் நடித்த சில படங்கள் பெரிதாக ஓடவில்லை. கொரோனாவின் போது உடல் எடையை குறைத்து மீண்டும் கம்-பேக் கொடுத்தார். ஈஸ்வரன், மாநாடு, வெந்து தணிந்தது காடு, பத்து தல ஆகிய படங்களில் நடித்தார்.

இதற்கு இடையே ஜோடி நம்பர் ஒன் நிகழ்ச்சியில் நடுவராகவும், பிக் பாஸ் அல்டிமேட் நிகழ்ச்சியில் தொகுப்பாளராகவும் பங்குபெற்றார். 2020ல் கார்த்திக் டயல் செய்த எண் என்ற குறும்படத்திலும் நடித்தார்.

அவரது தந்தை போலவே நடிப்பை தாண்டி பாடகராகவும், இயக்குநராகவும், திரைக்கதை எழுத்தாளராகவும், தயாரிப்பாளராகவும் தனது திறமையை வெளிப்படுத்தினார்.

தனக்கான தனி ரசிகர் படையை கொண்ட சிம்பு எனும் சிலம்பரசன் தேசிங்கு பெரியசாமி இயக்கத்தில் நடித்து வருகிறார். இந்த படத்தின் போஸ்டர் நேற்று வெளியானது என்பது குறிப்பிடத்தக்கது.