Vettaiyan : முடிவுக்கு வருகிறது வேட்டையன் படப்பிடிப்பு..விரைவில் ரிலீஸ் தேதி வெளியாகும்!

Vettaiyan : நடிகர் ரஜினிகாந்த் நடித்து வரும் வேட்டையன் படத்தின் படப்பிடிப்பு வரும் வாரத்தில் முடிவடைய உள்ளது என்ற தகவல் வெளியாகியுள்ளது.

வேட்டையன்

ஜெயிலர் படத்தின் வெற்றியை தொடர்ந்து நடிகர் ரஜினி அடுத்தடுத்த படங்களில் பிஸியாக நடித்து வருகிறார்.

ஞானவேல் இயக்கத்தில் நடிகர் ரஜினிகாந்த் நடித்து வரும் திரைப்படம் 'வேட்டையன்'.

ரஜினியின் 170வது படத்தை லைகா நிறுவனம் தயாரித்துள்ளது. அனிருத் இசையமைத்துள்ளார்.

அமிதாப் பச்சன், ஃபஹத் ஃபாசில், ராணா டகுபதி, மஞ்சு வாரியர், துஷாரா விஜயன், ரித்திகா சிங்  உள்ளிட்டோர் இப்படத்தில் முக்கிய கதாபாத்திரத்தில் நடித்துள்ளனர்.

இந்த ஆண்டில் ரஜினியின் 'வேட்டையன்' வெளியாகும் என்ற அறிவிப்பு வெளியானது. ஆனால் ரிலீஸ் தேதி குறித்த அறிவிப்பு இதுவரையில் வெளியாகவில்லை.

மிகவும் மும்மரமாக நடைபெற்று வந்த இந்த படப்பிடிப்பு அடுத்த வாரத்தில் நிறைவடைந்து விடும் என்ற தகவல் வெளியாகியுள்ளது.

வேட்டையன் படத்தை தொடர்ந்து லோகேஷ் கனகராஜ் இயக்கத்தில் 'கூலி' படத்தில் நடிக்க உள்ளார்.