October Cinema updates : அக்டோபர் மாசம் பட்டாசா இருக்க போது...கியூ கட்டி நிக்கும் கோலிவுட் அப்டேட்ஸ்!

October Cinema updates : கோலிவுட் ரசிகர்களுக்கு விருந்து வைக்கும் வகையில், தமிழ் படங்கள் குறித்த தகவல்கள் இணையத்தில் பரவி வருகிறது.

கோலிவுட் திரைப்படங்களின் அப்டேட்கள்

ரஜினிகாந்த் -த.செ. ஞானவேல் - அனிருத் ஆகியோரின் கூட்டணியில் உருவாகும் தலைவர் 170 படத்தை லைகா நிறுவனம் தயாரிக்கிறது. இப்படத்தின் ஷூட் அக்டோபர் மாதம் தொடங்கவுள்ளது என சொல்லப்படுகிறது.

ஹெச்.வினோத் - கமல் இணைந்து உருவாக்கும் KH233 படத்தின் ஷூட் அக்டோபர் மாதம் தொடங்கவுள்ளதாம். அத்துடன், KH234 படத்தின் ப்ரோமோ ஷுட்டும் அடுத்த மாதம் தொடங்கவுள்ளது என கூறப்படுகிறது.

லியோ படம் அக்டோபர் 19 ஆம் தேதி வெளியாகவுள்ளது. இதனையடுத்து, ஏ.ஜி.எஸ் தயாரிப்பில் உருவாகும் தளபதி 68 படத்தின் ஷூட் அக்டோபர் மாதம் ஆரம்பிக்கவுள்ளதாம். இப்படம், வெங்கட் பிரபு - விஜய் - யுவன் ஷங்கர் ராஜா கூட்டணியில் உருவாகிவருகிறது என்பது குறிப்பிடத்தக்கது.

மகிழ்திருமேனி - அஜித் காம்போவில் உருவாகும் விடாமுயற்சியின் படப்பிடிப்பு அக்டோபர் மாதம் தொடங்கவுள்ளது என்பது தகவல். பல நாட்களாக அப்டேட் இல்லாமல் தவித்த அஜித் ரசிகர்களுக்கு, இந்த செய்தி அல்வா போல் அமைந்திருக்கிறது.

சிறுத்தை சிவா - சூர்யா காம்போவில் உருவாகிவரும் கங்குவா படத்தின் ஷூட், வருகிற அக்டோபர் மாதத்துடன் நிறைவு பெற உள்ளதாம்.

சிவகார்த்திகேயன் நடிக்கும் எஸ்கே 21 படத்தின் இரண்டாம் கட்ட படப்பிடிப்பு அக்டோபர் மாதம் தொடங்கவுள்ளது.