Blue Sattai Maran : ட்விஸ்டிற்காக 11 மணி வரை காத்திருங்கள்.. வீடியோவை வெளியிடும் ப்ளூ சட்டை மாறன்!

நடிகர் ரஜினிகாந்தை தனியார் ஹோட்டலில் தான் சந்தித்த போது எடுத்த வீடியோ ஒன்றை இன்று காலை 11 மணிக்கு வெளியிடப்போவதாக ப்ளூ சட்டை மாறன் பதிவிட்டுள்ளார்.

ப்ளூ சட்டை மாறன் - ரஜினி

கடந்த சில வாரங்களாக ஜெயிலர் திரைப்படம் பற்றியும் நடிகர் ரஜினிகாந்த் ரசிகர்களை வம்பிழுக்கும் வகையிலும் தொடர்ந்து ப்ளூ சட்டை மாறன் ட்வீட் செய்து வருகிறார்.

தற்போதைய ஜெயிலர் படத்தின் பாக்ஸ் ஆஃபிஸ் தரவுகளையும் கண்டபடி கேலி செய்து பதிவிட்டு வருகிறார்.

நடிகர் ரஜினிகாந்த் முன்னதாக இமயமலைக்கு ஆன்மீகப் பயணம் மேற்கொண்டு தனது பயணத்தை முடித்து சென்னை திரும்பி உள்ளார்.

இப்படியான நிலையில் நடிகர் ரஜினிகாந்த் தனது பயணத்திற்கு முன்னர் ப்ளூ சட்டை மாறனை சந்தித்துள்ளார்.

இந்த அழைப்பு நடிகர் ரஜினியின் நம்பிக்கைக்குரியவரும் மூத்த பத்திரிகையாளருமான ஒருவரிடம் இருந்து தனக்கு வந்ததாகவும் ப்ளூ சட்டை மாறன் தெரிவித்துள்ளார்.

அங்கு நடந்த விஷயங்களை கேமராவில் பதிவு செய்த ப்ளூ சட்டை, அதை இன்று காலை 11 மணிக்கு வெளியிடப்போவதாக ட்விட்டரில் பதிவிட்டுள்ளார்.