Dunki Movie Review : ஷாருக் கான், டாப்ஸி காம்போ..எப்படி இருக்கு டங்கி திரைப்படம்? குட்டி விமர்சனம் இதோ!

Dunki Movie Review : பதான், ஜவானின் மாபெரும் வெற்றிக்கு பிறகு ஷாருக் கான் நடித்துள்ள டங்கி திரைப்படம் எப்படி இருக்கு..? இங்கே பார்க்கலாம்.

டங்கி திரைப்பட விமர்சனம்

ஷாருக்கான், டாப்ஸி, விக்கி கெளஷல், பொம்மன் இரானி, விக்ரம் கொச்சார், சதிஷ் ஷா உள்ளிட்டோர் நடிப்பில் இன்று வெளியாகி உள்ள திரைப்படம் டங்கி.

இந்த படத்தை 3 இடியட்ஸ், பிகே உள்ளிட்ட படங்களை இயக்கிய ராஜ்குமார் ஹிரானி இயக்கிவுள்ளார்.

ஒரு நாட்டில் இருந்து இன்னொரு நாட்டுக்கு சட்டவிரோதமாக நுழைவதை டங்கி என்று அழைக்கிறார்கள்.

பஞ்சாப் மாநிலத்தில் உள்ள நான்கு இளைஞர்கள் லண்டன் செல்லும் கனவோடு இருக்கின்றனர். ஆனால் ஒவ்வொருவருக்கும் ஒவ்வொரு பிரச்சினையின் காரணமாக லண்டன் செல்ல முடியாமல் தவிக்கின்றனர்.

ஒரு பழைய கடனை தீர்க்கும் பொருட்டு இந்த இளைஞர்கள் கூட்டத்தில் வந்து சேர்கிறார் கதாநாயகன் ஹார்டி(ஷாருக் கான்). அவர் இளைஞர்களின் கனவை நிறைவேற்றினாரா என்பதே கதை..

டங்கி படத்தின் மிகப்பெரிய பலம் என்றால் படத்தின் முதல் பாதி முழுவதும் நிறைந்திருக்கும் நகைச்சுவை காட்சிகள். சில காட்சிகளில் வந்தாலும் பெரிய தாக்கத்தை ஏற்படுத்தி இருக்கிறார் விக்கி கௌஷல்.

இவ்வளவு தீவிரமான காரணங்கள் இருந்தும் டங்கி படத்தின் கதாபாத்திரங்களுக்கு இருக்கும் காரணங்கள் தட்டையானவையாக தெரிகின்றன. பதான், ஜவான் பட வெற்றிக்கு பிறகு டங்கியின் மூலம் ஹேட் ட்ரிக் வெற்றி பெறுவாரா ஷாருக் என்பதை பொறுத்து இருந்து பார்க்கலாம்.