Legend Saravanan : ‘இந்த முறை அடிக்குற அடி மரண அடி..’ புதிய அவதாரம் எடுத்த லெஜண்ட் சரவணா!

தாடியும் மீசையுமாக புது கெட்டப்பில் மிரட்டலாக போட்டோஷூட் செய்து வருகிறார் லெஜண்ட் சரவணா.

லெஜண்ட் சரவணன்

தமிழகத்தின் பிரபல தொழிலதிபர்களுள் ஒருவர், சரவணன். ஆரம்பத்தில் தனது துணிக்கடை விளம்பரத்தில் தோன்றிய இவர், பின்னர் சினிமாவில் ஈடுபாடு காண்பிக்க ஆரம்பித்தார்.

கடந்த ஆண்டு வெளியான லெஜண்ட் படத்தில் நடித்து சினிமா உலகில் கால் அடி எடுத்து வைத்தார்.

லெஜண்ட் படத்தில் முன்னணி நடிகர்களான விவேக், பிரபு, விஜயகுமார் உள்ளிட்டோர் நடித்திருந்தனர். நீண்ட இடைவெளிக்கு பிறகு இந்த படத்திற்கு ஹாரிஸ் ஜெயராஜ் இசையமைத்திருந்தார்.

இப்படத்தின் கதையும் அதில் வரும் சண்டை காட்சிகளும் சிறப்பாக அமைந்தாலும், நடிப்பில் கோட்டை விட்டார் லெஜண்ட் சரவணா.

லெஜண்ட் சரவணன் சமீபத்தில் போட்டோஷூட் செய்துள்ளார். நெட்டிசன்கள், அப்புகைப்படங்களை ஒவ்வொன்றாக பதிவிட்டு மீம்ஸ் போட்டு வருகின்றனர்.

லெஜண்ட் சரவணனின் நடிப்பில், அடுத்த படம் தயாராகவுள்ளது என்று பேசப்படுகிறது.