'மெட்ராஸில் யாரும் சாதி பார்ப்பதில்லை..' வைரலாகும் நடிகர் கார்த்தியின் வீடியோ!

தீபாவளி பண்டிகையையொட்டி வெளியாகும் ஜப்பான் படத்தின் ப்ரோமோஷன் நிகழ்ச்சியில் பங்குபெற்ற கார்த்தியின் வீடியோ ஒன்று ட்ரெண்டிங்கில் உள்ளது

கார்த்தி நடிக்கும் ஜப்பான்

இயக்குநர் ராஜு முருகன் இயக்கத்தில் நடிகர் கார்த்தி நடிப்பில் உருவாகியுள்ள ஜப்பான் திரைப்படம் வரும் தீபாவளி பண்டிகையொட்டி வெளியாகிறது.

ஜப்பான் திரைப்படத்தில் நடிகர் கார்த்தி, இயக்குநர் விஜய் மில்டன் மற்றும் தெலுங்கு நடிகர் சுனில், அணு இம்மானுவேல் உள்ளிட்டோர் நடித்துள்ளனர்.

படத்திற்கு ஜி.வி பிரகாஷ் இசையமைத்துள்ளார். ஜப்பான், கார்த்தியின் 25வது திரைப்படம் என்பதால் படத்தின் தயாரிப்பு நிறுவனம் சார்பாக இசை வெளியீட்டு விழா பிரம்மாண்டமாக கொண்டாடப்பட்டது.

இசை வெளியீட்டு விழாவில் பல்வேறு கேள்விகளுக்கு பதிலளித்த நடிகர் கார்த்தி மெட்ராஸ் திரைப்படத்தை பற்றி கேட்டபோது, “மெட்ராஸ் திரைப்படம் என் மனதிற்கு மிகவும் நெருக்கமான திரைப்படம். நான் மெட்ராஸில் பிறந்த பையன், மெட்ராஸில் யாரும் சாதி பார்ப்பதில்லை, மெட்ராஸ் திரைப்படத்தில் ஒரு சுவரை வைத்து கதை இருந்தது.”என பேசினார்.

கார்த்தி பேசிய வீடியோ இணையத்தில் தற்போது ட்ரெண்டாகி வருகிறது.

கார்த்தியின் ரசிகர்கள் சென்னையில் 25000 பேருக்கு அன்னதானம் வழங்கி வருகின்றனர் என்பது குறிப்பிடத்தக்கது